آذربایجانین اساس حصه‌سی ایله نخچیوان مختار رسپوبلیکاسینی بیرلشدیره‌جک زنگزور دهلیزی ۲۰۲۶-جی ایلده آچیلاجاق.

Axar.az خبر وئریر کی، بو باره‌ده ارمنی پولیتولوگ آلئن گئووندیان بیلدیریب.

اکسپرت قید ائدیب کی، «زنگزور دهلیزی» افاده‌سینه ایروانین اعتراضینا باخمایاراق، هر شئی باکی و آنکارانین دئدیی کیمی اولاجاق.

آلئن گئووندیان مسئله ایله علاقه‌دار آذربایجان پرزیدنتی الهام علیئوین وئردیی مساژلارا دا دقت چکیب:

«واشینگتن‌دا سندلرین امضالانماسیندان سونرا بیر سیرا حادثه‌لر باش وئردی، بللی اولدو کی، بو سندلر هله هئچ نه دئمک دئییل، هر شئی باکی و آنکارانین وئردیی قرارلارا اویغون اولاجاق. بوندان سونرا ترامپ بو مسئله‌یه اؤز یاناشماسینی آچیقلادی، علیئو بیاناتلار وئردی.

علیئو ب.ام.ت، تورک اؤلکه‌لرینین سامیتی و دیگر پلاتفورمالاردا زنگزور دهلیزیندن دانیشدی. پاشینیان بوندان ناراحات‌دیر. بو، زنگزور دهلیزینی وئرمک و یا وئرمه‌مک مسئله‌سی ایله باغلی دئییل، اونلار چوخدان راضیلاشیبلار، زنگزور دهلیزی رئاللیغا چئوریله‌جک. پاشینیان اوچون واجیبی اودور کی، سئچکیلره قدر بو موضوع اجتماعی دوریه‌ده اولماسین. سئچکیلردن سونرا ایسه او، شخصاً قیرمیزی لنتی کسه‌رک زنگزور دهلیزینی آچاجاق و اونو هدیه ائد‌جک».

گئووندیان ۲۰۲۶-جی ایلده ارمنستان کونستیتوسیاسینین رفرندوم یولو ایله دییشدیریلجیینی دا قید ائدیب. صحبت آذربایجان و تورکیه‌یه قارشی اراضی ادعالارینین ارمنستانین اساس قانونوندان چیخاریلماسین‌دان گئدیر. بو، صلح مقاویله‌سینین امضالانماسی اوچون باکینین طلبی‌دیر.