ایرانین سرحدلری محدودیتلردن قورتولاراق امکداشلیق کؤرپولرینه چئوریلیرلر.
Axar.az خبر وئریر کی، بونو ایران پارلامنتینین صدری محمد باقر قالیباف دئییب.
"ایالت دیپلماتییاسی مرکزلشدیرمهدن ملی اینتگراسییایا کئچمک دئمکدیر؛ هر بیر ایالت اؤلکهنین بؤیوک استراتگییاسینین بیر حصهسیدیر"،- او علاوه ائدیب.
پارلامنت صدری بیلدیریب کی، سرحد ایالتلری ایرانین "جانلی سفیرلیی" کیمی اولمالی و "ایران خالقی ایله قونشولاری آراسیندا تماس نقطهسینه چئورلمهلیدیر".
قید ائدک کی، بیر نئچه ایل اول ایالتلره علاوه صلاحیتلرین وئریلمهسی بارهده آذربایجانلی ملت وکیللری و والیلری مسئله قالدیریب.
بونون رئاللاشاجاغی بارهده وعدلر ایسه حسن روحانی و ابراهیم رئیسینین پرزیدنتلیکلری دؤورونده یئرینه یئتیریلمهییب.
ایندیکی پرزیدنت مسعود پزشکیانین ایالت والیلرینین صلاحیتلرینین آرتیریلماسی بارهده تکلیفلری ایسه بعضی مرکزچی دایرهلرین سرت رئاکسییاسی ایله قارشیلاشیب.
بونونلا مخالف اولانلار آراسیندا محمد باقر قالیباف دا اولوب.
اونلار ایالتلره علاوه صلاحیتلرین وئریلمهسینی اؤلکهنین فدراللاشماسینا دوغرو ایلک آددیم اولدوغونو ادعا ائدیب، بونو تهلوکهلی اولدوغونو بیلدیریبلر.