افغانستان‌دا داغیدیجی زلزله نتیجه‌سینده اؤلنلرین سایی ۱۰۰۰ نفری کئچیب.

Axar.az خبر وئریر کی، "رویترز" بو باره‌ده افغانستان قیزیل آیپارا جمعیتینه استنادا معلومات یاییب.

طبیعی فلاکت ۱۱۰۰ نفرین حیاتینا سون قویوب. زلزله نتیجه‌سینده ۳۲۰۰-دن چوخ انسان خسارت آلیب. آگنتلیین معلوماتینا گؤره، ۸ میندن چوخ ائوه زیان دییب. آرتیق ۳۰ مینه یاخین یئرلی ساکنه هومانیتار یاردیم چاتدیریلیب.

خاطرلاداق کی، سنتیابرین ۱-نه کئچه‌ن گئجه افغانیستان‌دا زلزله باش وئریب. یئرآلتی تکانلار پاکستانلا سرحدده، جلال‌آباد شهرین‌دن ۳۰ کیلومتر آرالیدا، داغلیق کونار ایالتینده قیده آلینیب. زلزله‌نین اوجاغی ۸ کیلومتر درینلیکده یئرلشیب. زلزله‌نین گوجو ۶ بال اولوب، داغینتیلار نورقال، چاپا دارا

واتاپور، مانوقی و سوکای رایونلارینی احاطه ائدیب. داها سونرا ۵،۲ و ۴،۷ بال گوجونده ایکی آفترشوک باش وئریب. بو، سون ایکی ایلده افغانستان اوچون ان گوجلو زلزله حساب اولونور.