ارمنستانین ان بؤیوک نقلیات-اکسپدیتور شیرکتلریندن بیری اولان «ایسپایکا»یا مخصوص ۱۰۰-دن چوخ یوک ماشینی آرتیق بیر نئچه گوندور روسیایا داخل اولا بیلمیر. روسیا حقوق-محافظه اورگانلاری یوک آوتوموبیللرینی سبب ایضاح ائتمه‌دن ساخلاییر. ارمنستان حاکمیتی ایسه بو باره‌ده هئچ بیر رسمی بیلدیریش و یا ایراد آلمادیغینی آچیقلاییب.

Axar.az خبر وئریر کی، بو باره‌ده «هراپاراک» قزئتی معلومات یاییب.

معلوماتا گؤره، مسکوانین بو آددیملارینین سیاسی معنا داشییا بیلجیی استثنا ائدیلمیر. سون واختلار «ایسپایکا» شیرکتینین دیرکتورو آمریکانین ارمنستان‌داکی سفیری ایله متمادی گؤروشلر کئچیریب و بو گؤروشلر یئرلی مئدیادا گئنیش ایشیقلاندیریلیب. قزئتین یازدیغینا گؤره، تخمیناً ایکی هفته اول کئچیریلن سون گؤروش روسیانین ناراضی‌لیغینا سبب اولوب.