شانخای امکداشلیق تشکیلاتینین (شت) چین‌ده کئچیریلن ساممیتینده آذربایجانین تشکیلاتا عضولویونون بلوکلانماسی ایله باغلی یئنی مقاملار اورتایا چیخیب.

Axar.az خبر وئریر کی، بو باره‌ده دیپلماتیک منبع‌لردن معلومات وئریلیب.

معلوم اولوب کی، آذربایجانین شانخای امکداشلیق تشکیلاتینا عضولویونون بلوکلانماسی تکجه هیندیستانین تشببوسو ایله اولماییب، روسیا دا بو پروسس‌ده یاخیندان اشتراک ائدیب.
بو پروسس‌ده اساس رولو ایسه روسیا خاریجی ایشلر ناظرلییی اویناییب.

منبع‌نین سؤزلرینه گؤره، آذربایجانین شانخای امکداشلیق تشکیلاتینا عضولویونون بلوکلانماسی مسئله‌سی روسیا و هیندیستان آراسیندا سیاسی مصلحتلشمه‌لرده مذاکره اولونوب، موافق راضیلیغا گلینیب. ساده‌جه، روسیا پروسس‌ده هیندیستانی قاباغا وئریب، اؤزو آرخا پلاندا دایانیب.

منبع اونو دا دئییر کی، روسیانین بو حرکتی هم ده چینه قارشی حرمت‌سیزلیک کیمی قبول اولونمالیدیر.

چونکی چین شانخای روحونا اویغون اولاراق تشکیلاتلین گئنیشلندیریلمه‌سی اوچون آددیملار آتیر. آذربایجانین شانخای امکداشلیق تشکیلاتینا عضولویونه پکین ده جدی دستک وئریب. لاکین چین‌ده کئچیریلن سامیت‌ده روسیا و هیندیستان آذربایجانین تشکیلاتا عضولویونو بلوکلاماقلا، هم ده چینه قارشی حرمت‌سیزلیک نمایش ائتدیریب.