زنگزور دهلیزی آذربایجان و تورکیه‌یه تحویل وئریلیب.

Axar.az خبر وئریر کی، بونو ارمنی پولیتولوگ آرمان آبوویان دئییب.

اکسپرت بیلدیریب کی، ارمنستان آذربایجانین اساس حصه‌سی ایله ناخچیوان آراسیندا آچیلاجاق خطین دهلیز ایستاتوسوندا اولمایاجاغینی ادعا ائتسه ده، واشینگتن، باکی و آنکارادان گلن مساژلار بونون عکسینی گؤستریر:

«آمریکا پرزیدنتی دونالد ترامپ دهلیزدن دانیشیر، آذربایجان پرزیدنتی ایلهام علی‌یئو و تورکیه پرزیدنتی رجب طیب اردوغان دهلیزدن دانیشیر، بیر سؤزله، هامی دهلیزدن دانیشیر. ارمنستان حاکمیتی ایسه اسرارلا بونون عکسینی سؤیله‌مکده داوام ائدیر. سرحدده سندلر و پاسپورتلارا کیم مهر ووراجاق؟ اونلاردان (ایرواندان) بو سوالا هئچ واخت جواب ائشیتمیجییک.

اصلینده، هر شئی گؤز قاباغیندادیر: باش وئره‌نلره باخساق گؤرریک کی، ارمنستان حاکمیتی ارمنستانا داخیل اولان و یا ترک ائد‌ن آذربایجان‌لیلاری یوخلامایاجاق. اونلار بو باره‌ده آمریکالیلاردان معلومات آلاجاقلار».

آبوویان قید ائدیب کی، زنگزور دهلیزیندن کئچه‌جک آذربایجان یوکلری و سرنیشینلری بیرباشا نظارته تابع اولمایاجاق:

«بونون عکسینی ثبوت ائده بیلمیرلر. بونا گؤره ده سویوق سو ایچین و راحاتلایین: دهلیز تحویل وئریلیب».