آمریکا پرزیدنتی دونالد ترامپین گیروو مسئله‌لری اوزره نماینده‌سی آدام بویلئر افغانستانین پایتختی کابیل‌ده طالبانین خارجی ایشلر ناظری امیرخان متقی ایله گؤروشوب.

Axar.az خبر وئریر کی، بو باره‌ده افغانستان خارجی ایشلر ناظرلییی بیانات یاییب.

طالبانین خارجی ایشلر ناظرلیینین بیاناتینا گؤره، گؤروش‌ده هر ایکی اؤلکه‌نین محبوسلاری ایله باغلی مسئله‌لر، ایکیطرفلی علاقه‌لرین گئنیشلندیریلمه‌سی یوللاری، وطنداشلارا عایید مسئله‌لر، اینوئستیسییا و دیگر مسئله‌لر مذاکره اولونوب.

امیرخان متقی، طالبانلا آمریکا آراسیندا دوحه‌ده کئچیریلمیش اوولکی دانیشیقلارا استناد ائد‌رک دئییب:

«ایندی مناسیبتلرین نورمال وضعیته قاییتماسی اوچون مناسب فرصت یارانیب و ایکیطرفلی علاقه‌لرده ائله مرکب مسئله یوخدور کی، اونون حلی چتین اولسون».