آمریکا اوچون آنتی‌روسییا سانکسییالاری مسئله‌سی اونسوز دا حساس موضوع ایدی، ایندی ایسه آمریکا پرزیدنتینین طلبلری سببین‌دن بو مسئله آوروپادا روسییا ایله طرفداش اولان چینله مناسیبتلرین گرگینلشمه‌سی تهلوکه‌سینی یارادیر.

Axar.az خبر وئریر کی، بو باره‌ده «لوموند» نشری یازیب.

نشر قید ائدیر کی، ترامپ موسکوا ایله مناسیبتلری قایدایا سالماغا چالیشیر و آوروپا متتفیقلرینین طلبلرینه باخمایاراق، سانکسییالاری تطبیق ائتمک‌ده تلسمیر. آوروپالیلار بونو روسییانی اوکراینایا قارشی محاربه‌نی دایاندیرماغا مجبور ائتمه‌یین واسطه‌سی کیمی گؤرورلر.

«ترامپ بیلدیریب کی، یالنیز بوتون ناتو اؤلکه‌لری عینی قراری قبول ائتدیک‌دن و بوتون ناتو اؤلکه‌لری روسییادان نفت آلیشی دایاندیردیقدان سونرا روسییا علیهینه جدی سانکسییالار تطبیق ائتمه‌یه حاضردیر. همچینین او، چین ماللارینا قارشی ۵۰%-دن ۱۰۰%-ا قدر گمرک روسوملاری تطبیق ائتمه‌یه چاغیریب.

آوروپادا بو طلبلر دستک تاپمیر. آوروپا بیرلییی آغ ائو صاحبینین چین ادخالینا گمرک روسوملارینین آرتیریلماسی ایله باغلی شرطلری ایله راضیلاشا بیلمیر. بو، او دئمک دئییل کی، بیز هئچ بیر تدبیر گؤرمه‌مه‌‌لیییک، اما هله‌لیک حدین‌دن آرتیق گمرک روسوملاری تطبیق ائتمک اولماز»، – دئیه آوروپا دیپلوماتی امین ائدیب.

«آوروپالیلارین ترامپ ایله چینه قارشی بیرلشجه‌یینی گؤرموره‌م. آوروپالیلار پئکینله مناسیبتلرده واشینگتونا گووه‌نمک‌ده چوخ چتین‌لیک چکیرلر. چینله باغلی سیاستیمیزین آمریکادان آسیلی اولماسی دهشتلی اولاردی»، – دئیه سیاسی آراشدیرمالار اینستیتوتونون بین‌الخالق آراشدیرمالار مرکزینین دیرکتورو استفانی بالم دئییب.