آمریکا پرزیدنتی دونالد ترامپین اوغلونون تورکییه‌یه یاری گیزلی سفری و تورکییه پرزیدنتی رجب طاییب اردوغانلا گؤروشونون ماهیتی بللی اولدو. آغ ائو صاحبی تورکییه‌لی همکارینی سنتیابرین ۲۵-ده آمریکایا رسمی سفره دعوت ائدیب.

Axar.az خبر وئریر کی، بو سؤزلری پولیتولوگ ائلخان شاهین‌اوغلو قید ائدیب.

«گؤرونور، ترامپین اوغلو و اردوغان بو سفرین تفرعاتلارینی مذاکیره ائدیبلر. دونالد ترامپ ایش آدامی کیمی آغ ائوه دعوت ائتدیی قوناقلاردان و یا سفر ائتدیی اؤلکه‌لردن سیاسی و اقتصادی دیویدئنتلر الده ائتمه‌یه چالیشیر.

ترامپ دیگر اؤلکه‌لرله اولدوغو کیمی تورکییه ایله ده ایکیطرفلی تجارت سازیشینین امضالانماسین‌دا ماراقلی‌دیر.

بوندان علاوه، ترامپ تورکییه‌نین آمریکا استحصالی اولان «بوینگ» طیاره‌لرینی آلماسینی ایسته‌ییر. آنجاق اردوغانین دا ترامپ‌دان قارشیلیقلی ایسته‌یی وار. اردوغان ایسه ترامپلا اف-۱۶ و اف-۳۵ حربی طیاره‌لرینین ساتیشی ایله باغلی راضیلاشما الده ائتمک ایسته‌ییر. آمریکانین کئچمیش آدمینیستراسییاسی تورکییه‌یه حربی طیاره ساتمادی. ترامپ ایسه بیر ایش آدامی کیمی تورکییه‌یه حربی طیاره‌لرینین ساتیشینی مذاکیره ائتمه‌یه حاضر گؤرونور. چونکی بو سؤودلشمه آمریکا علاوه گلیر گتیره‌جک.

همچینین پرزیدنتلر واشینگتون‌دا رئگیونال موضولاری دا مذاکیره ائد‌جکلر. ترامپ تورکییه‌نین آوراسییا بؤلگه‌سین‌ده، او جمله‌دن جنوبی قافقازدا آرتان رولون‌دان ناراحات دئییل، عکسینه زنگزور دهلیزینین ایشه دوشمه‌سی ایکی اؤلکه‌نین اورتاق ماراق دایره‌سین‌ده‌دیر»، - دئیه شاهین‌اوغلو بیلدیریب.