فرانسانین باش ناظری سباستیان لکورنونون استعفاسی پرزیدنت امانوئل ماکرونو کونجه سیخیشدیریب.

Axar.az خبر وئریر کی، بو باره‌ده آمریکانین «نیو یورک تایمز» قزئتی معلومات یاییب.

«لکورنو سون چاره‌سیز تاپشیریغی یئرینه یئتیره بیلمه‌سه (ماکرونون سیاسی پارتیالارلا دانیشیقلار آپارماق امرینی نظرده توتور – رئد.)، ماکرون کونجه سیخیلمیش کیمی گؤرونه‌جک. او، پارلامنتی بوراخا بیلر کی، بو دا چوخ گمان کی، نوبتی سئچکی‌ده افراط ساغچی لپنه دستیی آرتیراجاق. فرانسا آرتیق سیاسی دئییل، کونستیتوسییا بحرانی ایچینده‌دیر. اون ایل‌لیکلر عرضین‌ده بئشینجی رسپوبلیکا یا پارلامنت‌ده پرزیدنتی دستکله‌یه‌ن آیدین سس چوخلوغو ایله، یا دا دولت باشچی‌سینا قارشی چیخان آچیق سس چوخلوغو ایله فعالیت گؤستریب. بونونلا بئله، بو گون پارلامنت دئمک اولار کی، برابر اوچ فراکسیایا بؤلونوب: لپنین ساغچی ملت‌چیلری، سول و افراط سولچولار، اونلارین ان گؤرکملی نماینده‌سی «اطاعت‌سیز فرانسا»نین لیدری ژان-لیوک ملنشون و ماکرونا صداقتی تدریجاً آزالان حکومت یونلو مرکزچیلر. بوتون بونلار اونا گتیریب چیخاریب کی، فرانسادا ۲۱ آی عرضینده آرتیق بئش حکومت دییشیب و خاوس حکم سوروب»، - معلومات‌دا دئییلیب.