ترامپ و پوتینین ۱۵ آوگوست‌دا باش توتان آلیاسکا گؤروشونون دتاللاری هله ده مذاکره موضوع‌سودور. گؤروشله باغلی رسمی معلوماتلار کیفایت قدر آز ایدی، بو دا مختلف وئرسیالارین یاییلماسینی شرطلندیردی.

- گؤروش‌ده نلر مذاکره ائدیلیب، نلر راضیلاشدیریلیب؟

- گؤروشون محض آلیاسکادا کئچیریلمه‌سی تشببوسو هانسی طرفه مخصوص ایدی؟

بو و دیگر سواللار آچیق اولاراق قالیر.

Axar.az خبر وئریر کی، پوتین «والدای» کلوبوندا سواللاری جوابلاندیرارکن، عینی مسئله یئنی‌دن گونده‌مه گلیب. روسیالی تدقیقات‌چی، بین‌الخالق مسئله‌لر اوزره اکسپرت فیودور لوکیانوو سوروشوب: «آلیاسکادا گؤروشمک کیمین ایدئیاسی ایدی؟»

پوتین ایسه جوابین‌دا بونو آچیقلاماییب، ساده‌جه قید ائدیب کی، نه فرقی وار، اساس اودور کی، گؤروشدوک.

«موسکووسکی کومسومولتس» نشری ادعا ائدیر کی، آلیاسکا گؤروشونون تفرعاتینی منبع‌لردن الده ائدیب. ادعایا گؤره، گؤروشون آلیاسکادا کئچیریلمه‌سی تشببوسو پوتینه مخصوص اولوب: «ایکی پرزیدنت آراسیندا گؤروش اوچون آمریکاین بیرلشمیش عرب امیرلیکلرینی تکلیف ائدجیی پروگنوزلاشدیریلان ایدی. آمریکانین ایکینجی ایدئیاسی ایسه شوتلاندیا اولا بیلردی، هرچند، اورادا سیاسی الیتا پوتینه نفرت ائدیر. داها سونرا پوتین آلیاسکانی تکلیف ائتدی و قبول اولوندو».

نشر ادعا ائدیر کی، مسکوادا ترامپین نماینده‌سی ایستیو ویتکوفلا گؤروش زمانی پوتین آمریکانین صحله پلانی ایله راضیلاشیب.

«لاکین پوتین آلیاسکادا اوکراینا قوشونلارینین تمامیله دونباسدان چیخارلیلماسینی طلب ائتدی، ترامپ ایسه بونو نظره آلاجاغینی و سونرا جواب وئرجیینی دئییب. لاکین جواب سوکوتلا عوضلندی و بو، هر کسین قبول ائتدیی «سوسماق راضی‌لیق علامتی‌دیر» دئمک دئییل، عکسینه، فکر آیریلیغیندان قایناق‌لانیر»، - نشر یازیر.

گؤرونور، ترامپ آلیاسکادا پوتینه معین وعدلر وئره‌رک، اونو آلدادیب.