جی۷ اؤلکه‌لرینین سفیرلری اوکراینانین انرگتیکا ناظیری سوتلانا گرینچوک و انرژی سکتورونون نماینده‌لری ایله تعجیلی گؤروش کئچیریب.

Axar.az خبر وئریر کی، بو باره‌ده جی۷-نین اوکرایناداکی سفیرلرینه دستک گروپو X صفحه‌سینده یازیب.

گؤروشده اوکراینانین انرگئتیکا ناظیری سوتلانا گرینچوکلا یاناشی، "نافتوگاز"، "اوکرنرگو" و "انرگواتوم"اون نماینده‌لری اشتراک ائدیب.

جی۷ سفیرلرینین اوکرایناداکی دستک گروپو گؤروشون روسیانین انرژی و ملکی اینفراستروکتورا هجوملاری، اوکراینانین بو هجوملارا قارشی مدافعه‌سینی دستکله‌مک یوللاری و ان تعجیلی احتیاجلارین قارشیلانماسی موضوع‌لارین‌دا کئچیریلدیینی بیلدیریب.

قید ائدک کی، ۱۰ اوکتیابرا کئچه‌ن گئجه روسیا اوکراینانین انرژی سیستمینه گئنیش‌مقیاسلی ضربه‌لر ائندیریب، بو دا اؤلکه اوزره قفیل الکتریک کسینتیلرینه سبب اولوب.