روسییا پرزیدنتی ولادیمیر پوتینین آمریکا پرزیدنتی دونالد ترامپلا گؤروشمک اوچون مجارستانا گئتمه‌سی بیر سیرا چتینلیکلرله مشایعت اولونا بیلر.

Axar.az خبر وئریر کی، بو باره‌ده "اسکای نیوز" معلومات یاییب.

بیلدیریلیب کی، مجارستان جغرافی و سیاسی باخیم‌دان بو جور گؤروش اوچون الوئریشلی یئر حساب اولونسا دا، پوتینین اورایا سفری تهلوکه‌لی اولا بیلر.

"بین‌الخالق جنایت محکمه‌سینین اوردرینه اساساً، پوتین مجارستانا داخیل اولان کیمی حبس اولونمالی‌دیر. مجارستان بین‌الخالق جنایت محکمه‌سینین عضوو اولسا دا، رسمی بوداپست بو قورومو «سیاسی محکمه» آدلاندیراراق اوردان چیخما پروسسینه باشلاییب.

بو ایسه مجارستانا محکمه‌نین اوردرینی فاکتیکی اولاراق نظره آلماماغا امکان وئریر و پوتینین بورادا گؤروش کئچیرمه‌سینی ممکن ائدیر. عینی وضعیت داها اول اسرائیلین باش ناظری بنیامین نتانیاهو ایله ده مشاهده اولونموشدو.
بوداپسته بیرباشا چاتماق ایسه داها مرکب‌دیر. اگر آلترناتیو یول سئچیلمزسه، یعنی تورکییه و بالکانلار اوزریندن دولانما یولو ایله اوچوش ممکن اولماسا، پوتینین طیاره‌سی پولشا، رومانییا و بالتیک دولتلر کیمی روسییا ایله گرگین مناسیبتلری اولان اؤلکه‌لرین هوا مکانیندان کئچمه‌لی اولاجاق. بو اؤلکه‌لرده طیاره‌نین مجبوری ائندیریلمه‌سی و یا دیپلوماتیک اینسیدنت احتمالی ممکن اولا بیلر"، - یازی‌دا قید اولونوب.