تیفلیس‌ده کئچیریلن ۵-جی ایپک یولو فورومو رگیون اؤلکه‌لری آراسیندا امکداشلیغین محکمله‌نمه‌سینده مهم رول اویناییر.

Axar.az خبر وئریر کی، بونو ارمنستان باش ناظری نیکول پاشینیان فوروم‌دا چیخیشی زمانی دئییب.

پاشینیان بیان ائدیب کی، بو پلاتفورما سایه‌سینده ارمنستان آذربایجانلا صلحه داها دا یاخینلاشیب.

او قید ائدیب کی، تفلیس ایپک یولو فورومو رگیون اؤلکه‌لرینی بیرلشدیره‌ن واجیب تشببوس‌دور و قارشی‌لیق‌لی علاقه‌لرین درینلشمه‌سینه خدمت ائدیر:

"بو بؤیوک لایحه یالنیز اقتصادی دئییل، هم ده صلح و ثابت‌لیک اوچون اؤنملی آددیمدیر. اونون نتیجه‌لریندن بیری کیمی آذربایجان و ناخچیوانی بیرلشدیره‌ن صلح یولو آچیلاجاق".

پاشینیان چیخیشین‌دا آذربایجان رسپوبلیکاسینین پرزیدئتینین ائرمنیستانا ماللارین ترانزیتینه قویولان محدودیتلرین آرادان قالدیریلماسی باره‌ده بیاناتینا دا توخونوب.
"آذربایجان پرئزیدئنتی چوخ موهوم و پوزیتیو آددیم آتدی. بو قرار رئگیون‌دا ائتیمادین برپاسی و اقتصادی علاقه‌لرین انکشافی باخیمین‌دان بؤیوک اهمیت کسب ائدیر. بو صلح رگیون اوچون چوخ واجب‌دیر"، - دئیه پاشنیان وورغولاییب.

او بیلدیریب کی، گرجستانین دیالوگ و امکداشلیق اوچون یاراتدیغی محیط جنوبی قفقازدا ثابت‌لیک و قارشی‌لیق‌لی اعتیمادین محکمله‌نمه‌سینه خدمت ائدیر.