آمریکا پرزیدنتی دونالد ترامپ روسیانین یئنی راکتلری سیناق‌دان کئچیرمه‌سیندن سونرا پنتاگونا درحال نووه سلاحی سیناقلارینا باشلاماغی امر ائدیب.

Axar.az خبر وئریر کی، او، بو باره‌ده اؤزونون «تروث سوسیال» سوسیال شبکه‌سینده یازیب.

«آمریکاین دیگر اؤلکه‌لردن داها چوخ نووه سلاحی وار. بو، منیم بیرینجی پرزیدنت‌لیک دورومده موجود سلاحلارین تام یئنی‌لنمه‌سی و تعمیری ایله بیرلیک‌ده حیاتا کئچیریلدی. او سلاحلارین دهشتلی داغیدیجی گوجونه گؤره بونو ائتمکدن نفرت ائدیردیم، اما سئچیمیم یوخ ایدی! روسیا ایکینجی یئرده‌دیر، چین ایسه اوچونجو یئرده‌دیر. ۵ ایلدن سونرا دا بئله اولاجاق.

باشقا اؤلکه‌لرین سیناق پروگراملارینا گؤره، حربی ناظرلییه نووه سلاحلاریمیزی برابر اساسلارلا سیناقدان کئچیرمه‌یه باشلاماغی تاپشیرمیشام. بو پروسس درحال باشلایاجاق"، - ترامپ قید ائدیب.