آمریکادا نووه سیناقلاری چوخ گمان کی، یئرین آلتیندا اولاجاق.

Axar.az خبر وئریر کی، بونو آمریکا کنگرسینین سناتینداکی کشفیات کمیته‌سینین صدری توم کوتون بیان ائدیب.

"آیدین‌لیق گتیرمک اوچون دئییم: صحبت صحرادا و یا ساکت اوکیانین جنوبوندا گؤبلکواری بولودلا مشایعت اولونان گئنیش مقیاس‌لی پارتلاییشلاردان گئتمیر. بیز چوخ کیچیک، نظارت اولونان و یقین کی، یئرآلتی پارتلاییشلاردان دانیشیریق»، - او سؤیله‌ییب.

اونون سؤزلرینه گؤره، نووه سیناقلارینین برپاسی هم کهنه، هم ده یئنی سلاح نولرینی سیناق‌دان کئچیرمه‌یه امکان وئره‌جک:

«بیرینجی‌سی، بو بیزه کهنه سلاحلارین محض نظرده توتدوغوموز وضعیتده اولوب-اولمادیغینی یوخلاماغا شرایط یارادیر. ایکینجی‌سی، روسیا و چین طرفیندن گلن تهدیدلره قارشی مبارزه آپاردیغیمیز بیر واخت‌دا یئنی سلاحلاری و اونلارین کونستروکسیالارینی سیناقدان کئچیرمه‌یه امکان وئریر».

کوتون علاوه ائدیب کی، بو جور سیناقلار آمریکایا چین و روسیایا قارشی قطیعتینی گؤسترمه‌یه کمک ائد‌جک.

قید ائدک کی، داها اؤنجه دونالد ترامپ پایلاشیمیندا پنتاگونا نووه سلاحی سیناقلارینی درحال برپا ائتمیی تاپشیردیغینی بیلدیریب.