روسیا پرزیدنتینین مطبوعات کاتبی دمیتری پسکوون اولو باباسی یاکوو زئوین ۱۹۱۸-جی ایلده گوله‌لنه‌ن ۲۶ باکی کومیساریندان بیری اولوب.

Axar.az خبر وئریر کی، بو باره‌ده «پرویکت» ژورنالی معلومات یاییب.

معلوماتا گؤره، لنین زوینین اؤلوموندن سونرا اونون دول آروادینا مسکوادا منزل وئریب:

«پسکووانین اولو ننه‌سی نادژدا کروپسکایا ایله خالق معاریف کومیسارلیغین‌دا بیرلیکده ایشله‌ییب و لنینین عائله‌سینه یاخین اولوب. داها سونرا دمیتری پسکوون آناسی نادژدا زوینا قیرمیزی اردو حربی هوا قوه‌لرین‌ده پارتیا «تمیزله‌مه‌لرینده» اشتراک ائدیب و اؤمرونون سون ایللرینده لنین موزئیینده چالیشیب. بیوگرافلار قید ائدیر کی، اونون خدمت یئرلری حاقین‌دا معلوماتلار گیزلی ساخلانیلیر و بو، کشفیات ضابطلری اوچون خاراکتریکدیر. عائله پرسنیا کوچه‌سینده‌کی الیت بیر بنادا یاشاییب، قونشولاری آراسین‌دا ک.گ.ب و خارجی تجارت رسمیلری یئر آلیب. پسکوون آتاسی، آسیا و آفریکا آراشدیرمالاری اینستیتوتونون ماذونو سرگی پسکوو اوزون ایللر یاخین شرقده «دوستلوق جمعیتلری» آدی آلتین‌دا خدمت ائدیب. بو جمعیتلر سویوق محاربه دؤورونده سووئت کشفیات ضابطلری اوچون کلاسیک بیر اؤرتوک ایدی. دمیتری پسکوو دیپلمات عائله‌سینده آنادان اولوب و اوشاقلیقدان عزامیتلرده یاشاییب. اونون کاریئراسی ایکی اوغورلو ائولی‌لیکدن سونرا باشلاییب. اونون ایلک آروادی مارشال سئمیون بودیوننینین نوه‌سی آناستاسییا ایدی و اونون سایه‌سینده پسکوو ایلک خارجی تعییناتینی تورکیه‌یه آلیب. بوشاندیقدان سونرا دیپلمات ولادیمیر سولوتسینسکینین قیزی یکاترینا ایله ائولنیب. محض اونون آتاسی پسکووا بوریس یلتسینین ۱۹۹۹-جو ایلده تورکیه‌یه سفرینده اشتراک ائتمیی توصیه ائدیب. بئله‌لیکله، پسکوون کرمله یولو آچیلیب و زمانلا ولادیمیر پوتینین باش مدیا تخنولوقو، جمعیتین گؤزونده پرزیدنتین ایمیجینه جوابده اولان شخصه چئوریلیب».