اوکراینادا مناقشه‌یه سون قویماق اوچون روسیانین دا اشتراک ائتدیی یئنی آوروپا تهلوکه‌سیزلیک آرخیتکتوراسینین یارادیلماسی شرط‌دیر.

Axar.az خبر وئریر کی، بو سؤزلری ماجاریستانین باش ناظیری ویکتور اوربان بیلدیریب.

«اگر بیز روسلارا هم بیزیم، هم ده اونلار اوچون تهلوکه‌سیزلییه ضمانت وئرن آوروپا تهلوکه‌سیزلیک سیستمینی تکلیف ائده بیلسک، اوکراینادا محاربه‌نین دایاندیریلماسی ایله باغلی راضیلیغا گله بیلجه‌ییک. آنجاق آوروپا روسیا ایله بئله دیالوگ آپارماق اوچون حربی جهتدن گوج‌لو اولمالیدیر. تارازلیغی تاپیب روسلارلا سؤودلشمه‌لر آپارماغی باجارمالییق. منیم فلسفه‌م بودور»، - دئیه اوربان وورغولاییب.

قید ائدک کی، اوربان بوندان اول روسیانین ماراقلارینی نظره آلان یئنی آوروپا تهلوکه‌سیزلیک سیستمینین یارادیلماسینین واجبلیینی بیان ائدیب. او، همچنین آوروپا بیرلیی لیدرلرینی ایندیکی آمریکا آدمینیستراسییاسیندان نمونه گؤتوره‌رک مسکوا ایله دیالوگا باشلاماغا چاغیریب.