آمریکا-نین بیر گروپ سناتورو ایرانین میناب شهرینده‌کی قیزلار مکتبینه هجومون آمریکا حرب‌چیلری طرفیندن تؤره‌دیله بیلجه‌یینی بیلدیریب.

Axar.az خبر وئریر کی، بیاناتی نماینده‌لر پالاتاسینین نماینده‌لری جین شاهین، جک رید، مارک اورنر، برایان شاتس، پاتی موری و کریس کونس امضالاییبلار.

«۲۸ فورال‌دا میناب یاخینلیغینداکی ابتدایی مکتبه ائدیله‌ن و اکثریتی آزیاشلی اولماقلا، آزی ۱۷۵ نفرین اؤلومونه سبب اولان هجوملا باغلی سون خبرلردن دهشته گلدیک. مستقل تحلیللر هجومون آمریکا قوه‌لری طرفیندن تؤردیله بیلجه‌یینی قطعیتله گؤستریر. اگر بئله‌دیرسه، بو، یاخین شرقده اون‌‌ایللیکلر عرضینده آمریکا دؤیوشلرینده ان بؤیوک ملکی ایتکیلردن بیریدیر»، - دئیه قانون‌وئریجیلر بیرگه بیاناتدا بیلدیریبلر.

اونلارین سؤزلرینه گؤره، مکتب آزیاشلی اوشاقلارین اؤلدورولمه‌سی هئچ بیر حال‌دا قبول ائدیله بیلمز:

"بو حادثه، خصوصیله ناظیر پیت هگستین گوج تطبیقینه آچیق شکل‌ده رد جوابی وئرمه‌سی، او جمله‌دن ایرانا هجوملارین آخماقجاسینا دؤیوش قایدالاری ایله محدودلاشمایاجاغی باره‌ده بیاناتی سببین‌دن ناراحات‌ائدیجی‌دیر. بو حادثه هرطرفلی و غزض‌سیز آراشدیریلمالیدیر».

سناتورلار قید ائدیرلر کی، ناظیر هگست مدافعه ناظیرلیی طرفیندن بو حادثه‌نین هرطرفلی آراشدیریلماسینی تامین ائتمه‌لی و آمریکا اجتماعیتینه آیدین جوابلار وئرمه‌لیدیر.

قید ائدک کی، فورالین ۲۸-ده مینابدا قیزلار مکتبینه ائدیله‌ن هجوملار نتیجه‌سینده ۱۶۵-دن چوخ شاگرد هلاک اولموشدو.

آمریکا اردوسو فاکتلا باغلی آراشدیرما آپاریلدیغینی آچیقلامیشدی.