ایران اسلام رسپوبلیکاسینین علم، تدقیقات و تکنولوگییا ناظری حسین سیمایی-صرافین آذربایجان‌دا تحصیل مسئله‌لری ایله باغلی وئردیی آچیقلاما تعجب و تأسف دوغورور.

Axar.az خبر وئریر کی، بو باره‌ده علم و تحصیل ناظرلییی آچیقلاما یاییب.

«بو، تمامیله یئرسیز آچیقلاما اولاراق آذربایجانین داخلی ایشلرینه مداخله جهدیندن باشقا بیر شئی دئییل‌دیر. هئچ کیمه اؤلکه‌میزین داخلی ایشلرینه، او جمله‌دن تحصیل سیاستینه مداخله ائتمه‌یه اجازه وئریلمیر و بو کیمی مداخله جهدلرینین قارشی‌سی قطعیتله آلینیر.

ایران رسمیلرینه توصیه ائدردیک کی، باشقا اؤلکه‌لرین داخلی ایشلرینه مداخله ائتمک عوضینه اؤز اؤلکه‌لرینین پروبلملری ایله مشغول اولسونلار.

ایرانین حیاتا کئچیردیی سیاست نتیجه‌سینده بو اؤلکه‌ده آذربایجان دیلینده تدریس آپاریلان بیر مکتب بئله یوخدور. عالی تحصیل موسسه‌لرینده ده آذربایجان دیلین‌ده تدریس حیاتا کئچیریلمیر. حالبوکی ایران اهالی‌سینین تخمیناً ۴۰ میلیونونو کؤکلو اتنیک آذربایجان‌لیلار تشکیل ائدیر و اونلار اون ایل‌لیکلردیر اؤز آنا دیللرینده تحصیل آلماق حقوقوندان محروم ائدیلیرلر.

ایرانین علم، تدقیقات و تکنولوگییا ناظری و بو موضوع‌دا ایران‌دا چیخیش ائد‌ن دیگر شخصلر یاخشی اولاردی کی، آذربایجانین داخلی ایشلرینه مداخله ائتمک عوضینه محض بو مسئله‌لرله مشغول اولسونلار و اون ایل‌لیکلردیر داوام ائد‌ن بو مثلی گؤرونممیش عدالتسیزلیین آرادان قالدیریلماسی اوچون تدبیرلر گؤرسونلر»، - معلوماتدا بیلدیریلیب.