ایرانین علم، تدقیقات و تکنولوگیا ناظری حسین سیمایی صرافین آردینجا اؤلکه‌نین بیرینجی ویتسه پرزیدنتی محمد رضا عارف ده آذربایجان رسپوبلیکاسین‌دا مکتب‌لیلرین گئییم نورمالارینین سرتلشدیریلمه‌سی ایله باغلی قرارا مناسبت بیلدیریب.

Axar.az خبر وئریر کی، عاریف ایکس سوسیال شبکه‌سین‌ده آذربایجانین بو قرارینی قیزلارین «تحصیل‌دن محروم ائدیلمه‌سی» کیمی قلمه وئریب و واحد مکتب‌لی گئییمی ایله راضیلاشمایانلارین ایران‌دا تحصیللرینی داوام ائتدیرمه‌لرینه شرایط یارادیلماسینی ایسته‌ییب.

«ایرانین علم ناظرلیینین آذربایجان رسپوبلیکاسین‌دا تحصیل‌دن محروم قالان حجابلی قیزلارلا باغلی دعوتینی آلقیشلاییرام. حرمت‌لی صحیه و تحصیل ناظرلریندن و اسلامی آزاد اونیورسیتتینین حرمتلی پرزیدنتین‌دن ده آذربایجان‌لی طلبه‌لرین قبولو و تحصیلینین داوام ائتدیریلمه‌سی اوچون لازمی تدبیرلری گؤرمه‌لرینی ایستییرم»، - عارف یازیب.

ایران‌دا ۴۰ میلیون آزربایجانلینی آنا دیلین‌ده تحصیل آلماقدان محروم ائد‌ن بو ذهنیت آذربایجان‌لی اوشاقلارا هانسی دیلده تحصیل وئرمیی دوشونور؟

دیگر طرف‌دن، نیه اسلامی آزاد اونیورسیتتی؟ اونا گؤره کی، آیت‌اللاه خمینینین دستیی ایله اکبر هاشمی رفسنجانی طرفیندن قورولوب!

او رفسنجانی کی، خوجالی قتلعامی عرفه‌سین‌ده آیاز مطلبا‎وو تهران‌دا اوندان یاردیم خواهیش ائتمیش و رد جوابی آلمیشدی!

او رفسنجانی کی، آذربایجانین واسطه‌چیلیک خواهیشینی «جان-باشلا» یئرینه یئتیرمیش و ایران‌دا طرفلر آراسیندا گؤروش تشکیل ائد‌رک، آذربایجانی دانیشیقلارا ایناندیرمیش و نتیجه‌ده شوشانین ۸ مای ۱۹۹۲-جی ایلده اشغالینا شرایط یاراتمیشدی!

او رفسنجانی کی، «واسطه‌چیلیک ائد‌ن طرف» کیمی دانیشیقلار واختی ارمنیستان اوردوسونون هجوما کئچمه‌سی ایله ایرانین تشببوسونون ایچینه زیبیل قویماسی سببیندن بو اؤلکه‌یه سانکسیا تطبیق ائتمک عوضینه سیاسی و اقتصادی دستیی آرتیرمیش، آذربایجانین ارمنستانی تام بلوکادایا آلماسینا قارشی دیرنیش گؤسترمیش و اقتصادی باخیمدان بو اشغال‌چی اؤلکه‌نی خلاص ائتمک اوچون هئچ بیر یاردیمی اسیرگممیش، دشمن، خریستیان، مسجدلری داغیدان، مسجدلرده دونوز ساخلایان ارمنستانی خلاص ائتمیشدی!

ایندی بو رفسنجانینین اونیورسیتتی دین قورویان اولوب، حجابا گؤره آذربایجانلی قیزلارا تحصیل شرایطی یاراداجاقمیش!

بو «دینقورویان» ایران خوجالی قتلعامین‌دا ۶۱۳ شیعه-مسلمان قارداشی قتله یئتیریلنده نیه سسینی چیخارمیردی؟

خریستیان ارمنیلره «قارداش» دئییب، شیعه-مسلمان آذربایجانین اراضی‌سینین اشغالینا شرایط یارادان، بیر میلیون آذربایجان‌لی-مسلمانین ۳۰ ایل قاچقین قالماسینا لذتله تماشا ائد‌ن ایران «مسلمان» اولوب، مسلمان قیزلارین تحصیلیندن ناراحاتمیش!

«گئییمین تحصیله مانع اولماماسی گرکدیینی» بیلدیره‌ن صراف باش یایلیغیندان امتنا ائتدیی اوچون کوچه‌دن اوغورلانیب پلیس بؤلمه‌سینه آپاریلان و اورادا زورلانیب اؤلدورولن مهسا امینی‌یه گؤره سسینی نیه چیخارتمیر؟

خامنه‌اینین نوه‌لری آمریکادا سیویل انسانلار کیمی، آچیق-ساچیق گئییم‌ده پوز وئریرلر، بونلار اورتا مکتب اوشاقلارینی چادرایا بورویورلر!

بیر اؤلکه‌نین ناظری و ویتسه پرزیدنتی کی اؤز اؤلکه‌سینین درد-سری ایله مشغول اولماق، اقتصادی ایفلاسینین قارشی‌سینی آلماق عوضینه قونشولارین داخلی ایشلرینه بورنونو سوخا...

بیر اؤلکه‌نین کی صراف آدی داشیان علم ناظری ناشی، عارف آدی داشیان ویتسه پرزیدنتی نادان اولا، او اؤلکه‌نین گلجیی هئچ یاخشی گؤرونمور...