رشت–آستارا دمیر یولو خطینین تمامی ۴ آیا آچیلاجاق.

Axar.az خبر وئریر کی، بونو آپا-یا مصاحبه‌سینده گیلان ولایتینین والیسی هادی حقشناس بیلدیریب.

اونون سؤزلرینه گؤره، سون یئددی آی عرضینده رشت–آستارا دمیر یولو خطینین ۷۰ کیلومترلیک حصه‌سی استفاده‌یه وئریلیب، خطین عمومی اوزونلوغو ۱۶۲ کیلومتردیر و آرتیق ۹۰ کیلومتری آچیلیب.

«یالنیز ۷۰ کیلومتر قالیر. دوشونورم کی، یاخین دؤرد آی عرضینده رشت–آستارا خطینین تام آچیلیشی باشا چاتاجاق. ایران حکومتی بو ایشده قطعیتلی‌دیر»، – والی قید ائدیب.

حقشناس علاوه ائدیب کی، خط مرحله‌لی شکل‌ده استفاده‌یه وئریلدیی اوچون پارالل اولاراق رئلس قورغوسونون قوراشدیریلماسی اوچون حاضرلیق ایشلری ده آپاریلیر.

والینین سؤزلرینه گؤره، روسیا ایله مقاوله باغلامیش پودراتچی شرکت خطین تام استفاده‌یه وئریلمه‌سیندن سونرا نوبتی مرحله‌یه کئچه‌جک. قید اولونوب کی، رشت–آستارا لاییحه‌سینین عمومی تیکینتی مدتی اوچ ایل اولاراق پلانلاشدیریلیر.

هادی حقشناس همچنین بیلدیریب کی، اؤتن آی باکی‌دا آذربایجان، روسیا و ایرانین اشتراکی ایله اوچ‌طرفلی کومیسیانین اجلاسی کئچیریلیب:

«اجلاس‌دا آذربایجان و روسیا باش ناظیرلرینین معاونلری، ایرانین یول ناظیری و من اشتراک ائتدیک. توپلانتی‌دان سونرا باکی‌دان لنکرانا، داها سونرا آستارا شهرینه سفر ائتدیک و لاییحه‌نین اجرا وضعیتی ایله تانیش اولدوق. ایرانین یول ناظیری ایشلرین سرعتلندیریلمه‌سی اوچون موافق گؤستریشلر وئردی».