پرتقالیا ملی‌سینین و «ال نصر» کلوبونون اولدوزو کریستیانو رونالدو آمریکا پرزیدنتی دونالد ترامپ و سعودیه عربستانینین ولیعهدی محمد بن سلمان ایله آغ ائوده کئچیریلن رسمی شام یئمیینده اشتراک ائدیب.

Axar.az خبر وئریر کی، بو باره‌ده «رؤیترز» معلومات یاییب.

معلوماتا گؤره، شام یئمیین‌ده اشتراک ائد‌ن قوناقلار آراسیندا فیفا پرزیدنتی جانی اینفانتینو، آمریکالی میلیاردر ایلون ماسک دا یئر آلیب.

مراسم‌ده چیخیش ائد‌ن ترامپ بیلدیریب کی، اوغلو بئررون رونالدو ایله تانیش اولدوقدان سونرا آتاسینا داها چوخ حرمت ائتمه‌یه باشلاییب:

«بیلیرسینیز، منیم اوغلوم رونالدونون بؤیوک آزارکئشی‌دیر. بئررون اونونلا گؤروشدو، دوشونوره‌م کی، سیزی اونا تقدیم ائتدیکدن سونرا منه اولان حرمتی بیر آز دا آرتدی»، – ترامپ زارافاتلا بیلدیریب.