ایران اطرافین‌دا یارانمیش وضعیت بوتون بؤلگه اوچون جدی تهلوکه منبع‌ییدیر. سون حادثه‌لری نظره آلان تورکیه یئرده، هوادا و سودا، خصوصاً ده سرحد بویونجا، همچنین کیبرمکان‌دا تدبیرلری آرتیریب. اردوموز تورکیه‌نین حقوق و منافعلرینی قوروماق، ملتیمیزین اعتمادینا لاییق اولماق عزمینده‌دیر. قطعیتیمیز تام و سارسیلمازدیر.

Axar.az خبر وئریر کی، بو سؤزلری تورکیه‌نین ملی مدافعه ناظیری یاشار گولر موش ولایتینه سفری زمانی سسلندیریب.

مناقشه‌نین گئنیشلندیی بیر شرایط‌ده تورکیه‌نین صلح گوندلیینی تشویق ائد‌ن دولت اولدوغونو دقته چاتدیران گولر «اؤلکه‌میز رگیون‌دا ثابتلیک آداسی و تهلوکه‌سیزلیک مرکزی موقعیینی قورویور. رسمی آنکارا دانیشیقلار ماساسین‌دا افکتیو تشببوسلرله چیخیش ائدیر"، - دئیه وورغولاییب.

اونون سؤزلرینه گؤره، قارشی‌لیقلی ضربه‌لر داها بؤیوک فلاکته گتیریب چیخارمادان دایاندیریلمالی، دیالوگ و دیپلماتیا کاناللاری یئنی‌دن آچیلمالیدیر.

«ایران‌دان لبنانا قدر گئنیش بیر اراضینی احاطه ائد‌ن مناقشه‌نی دقتله ایزله‌ییریک، هر بیر حادثه‌نی تحلیل ائدیریک، هئچ بیر احتمالی نظردن قاچیرمیریق»،- دئیه تورکیه‌لی ناظیر علاوه ائدیب.