صلح اوغرون‌دا ۳ قیطه‌نین ۱۴ اؤلکه‌سین‌ده خدمت ائد‌ن تورکیه حرب‌چیلری بو دفعه اوکراینا اوچون حرکته کئچیر. فرانسا پرزیدنتی امانوئل مکرون بیلدیریب کی، صلح تامین اولونسا، بؤیوک بریتانیا، فرانسا و تورکیه حربی قوه‌لری اوکراینادا یئرلشدیریله‌جک.

Axar.az خبر وئریر کی، حاضردا تورکیه‌نین ۱۴ اؤلکه‌ده حربی وارلیغی مؤوجوددور.

بونلارین بیر قسمی دؤیوش قوه‌لرین‌دن عبارتدیر، بؤیوک اکثریتی ایسه بو اؤلکه‌لرین اردولارینا تعلیم کئچمک اوچون فعالیت گؤستریر.

تورکیه حرب‌چیلرینین اولدوغو اؤلکه‌لر بئله‌دیر: شمالی کیپر تورک رسپوبلیکاسی، سوریا، عراق، سومالی، کوسووا، قطر، بوسنیا و هرتزگوینا، لبنان، آذربایجان، آلبانیا، لیویا، کونگو دموکراتیک رسپوبلیکاسی، مالی، مرکزی آفریکا رسپوبلیکاسی.

بریتانیادا آپاریلان تدقیقات گؤستریر کی، تورکیه آمریکا-دان سونرا خارج‌ده ان آکتیو ایکینجی اردویا مالک اؤلکه‌دیر. تورکیه‌نین حاضردا ۱۴ اؤلکه‌ده حربی موجودلوغو وار و بعضی اؤلکه‌لرده هم عسگرلری، هم ده حربی بازالاری موجوددور.

تورکیه سلاح‌لی قوه‌لرینین عراق، سوریا، قطر، سومالی، لیویا و شمالی کیپرده حربی بازالارینین اولدوغو بیلدیریلیر.