جناب پوتینله (روسیه پرزیدنتی – رئد) چوخ محصولدار، هرطرفلی و درین مضمونلو گؤروشوموز اولدو. من کنکرت اولاراق بیلدیردیم کی، اونو ایسته‌نیلن واخت گؤزله‌ییرم. بیز ده ممکن قدر تئز گؤروشمک ضرورتینی مذاکیره ائتدیک. او، "من سؤزومو توتاجاغام" دئدی. اومید ائدیره‌م کی، بو سفر تئزلیکله باش توتاجاق.

Axar.az خبر وئریر کی، بونو تورکیه پرزیدنتی رجب طایییب اردوغان تورکمنستان سفریندن قاییدارکن ژورنالیستلره آچیقلاماسیندا دئییب.

"روسیه ایله تورکیه آراسیندا مناسبتلر بیرگونلوک ماراقلارا دایانمیر. علاقه‌لریمیز کؤکلو تاریخه، محکم دیپلوماتیک تمله و قارشیلیقلی اعتیمادا اساسلانیرلار. بیز اساساً محاربه و صلح سعیلرینی مذاکیره ائتدیک. تورکیه‌نین بو مسئله‌ده هانسی مؤقع‌ده دایاندیغینی بوتون آکتورلار کیمی جناب پوتین ده چوخ یاخشی بیلیر. بیز حساب ائدیریک کی، محاربه (روسیه-اوکراینا محاربه‌سی – رئد) چوخدان بیتمه‌لی ایدی و بونو همیشه آچیق شکیلده دئمیشیک»، - اردوغان علاوه ائدیب.

قید ائدک کی، اؤتن گون تورکمنستان‌دا هر ایکی اؤلکه لیدری آراسیندا گؤروش اولوب.