روسییا ایله تورکیه آراسیندا آکتیو قاپالی دیالوگ کئچیریلیب. بو حادثه‌دن هامی شوکا دوشوب: عشق‌آباددا روسییا پرزیدنتی ولادیمیر پوتینله تورکیه‌لی همکاری رجب طاییب اردوغان آراسیندا دانیشیقلار او قدر اوزون چکیب کی، پوتینی یان اوتاقدا گؤزله‌ین پاکستانین باش ناظری شاهباز شریف سونوندا اونو گؤزله‌مه‌مک قرارینا گلیب و بیرباشا پوتین و اردوغانین اولدوغو اوتاغا گیره‌رک پوتینه گؤروشو تاخیره سالماغی تکلیف ائدیب. روسییا لیدری ده راضیلاشیب.

Axar.az خبر وئریر کی، بونو روسییالی پولیتولوگ سئرگئی مارکوو دئییب.

"پوتینله اردوغان آراسیندا دانیشیقلار ایسه یئنی‌دن داوام ائتدیریلیب. دئمه‌لی، دانیشیلاجاق چوخ شئی وار. دانیشیقلاردان سونرا هئچ بیر آچیقلاما وئریلمه‌ییب. چونکی بونلار چوخ، چوخ حساس مسئله‌لردیر. گؤرونور، سبب صلح پلانی و یا تجارت دئییل، تورکیه‌نین دنیز تجارتینده‌کی بحراندیر. اوکراینا تورکیه سولاریندا روسییا نفتی و قیدا محصوللاری داشییان گمیلره، حتی تورکیه گمیلرینه ده آکتیو پیرات هجوملاری حیاتا کئچیریب. روسییا ایسه اودسادا تورکییه‌یه مخصوص اولدوغو اورتایا چیخان بیر گمییه ضربه ایله جواب وئریب. بوتون بونلار چوخ تهلوکه‌لی بیر انکشاف‌دیر. تورکیه رهبرلییی دنیز نقلیاتی وضعیتینی پوتینله دیالوگ واسطه‌سیله بحراندان چیخارماغا چالیشیر»، - او بیلدیریب.