۲۰۲۵-جی ایلده ایران حبسخانالاریندا ان آزی ۱۹۲۲ نفر اعدام ائدیلیب.

Axar.az خبر وئریر کی، بو حاقدا ایران انسان حاقلاری تشکیلاتی معلومات یاییب.

بو آمار اعداملارین ۲۰۲۴-جو ایلله مقایسه‌ده ۱۰۶ فایز آرتدیغینی گؤستریر.

معلوماتا گؤره، ۱۰ نفر اجتیماعیتین گؤزو قارشی‌سیندا اعدام ائدیلیب.

بو آمار ۲۰۲۵-جی ایل ۱ یانوار - ۲۰۲۵-جی ایل ۲۰ دکابر (۲۹ آذر ۱۴۰۴) دؤورونو احاطه ائدیر. ایللیک حسابات ایران‌دا انسان حقوقلاری وضعیتی ایله باغلی ۱۰،۸۲۶ معلوماتین توپلانماسی، تحلیلی و سندلشدیریلمه‌سی اساسیندا حاضیرلانیب.

بو مدت عرضینده اعدام ائدیلنلردن علاوه، اؤلکه‌نین محکمه سیستمی طرفیندن ۱۶۸ نفر اؤلوم جزاسینا محکوم ائدیلیب.

اعدام اولونانلارین ۱۶۸۱ نفری و یا ۸۷ فایز کیشی، ان آزی ۵۹ نفر، یعنی اوچ فایزی قادیندیر. اعدام ائدیلنلرین ۱۰ فایزینین جنسیتی باره‌ده معلومات یوخدور. بوندان علاوه، یئتکین‌لیک یاشینا چاتمایان ایکی نفر اعدام ائدیلیب.

۲۰۲۵-جی ایلده ایران‌دا اعدام ائدیلنلرین ۴۷،۵۵%-یi "قتل"، ۴۶،۱۰%-ی ایسه "نارکوتیک" اتهامی ایله اعدام اولونوب.