ایران و شمالی کره آراسیندا چیرکلی پوللارین یویولماسی ایله باغلی گیزلی مالییه علاقه‌لری اوزه چیخیب. آراشدیرمادا بو عملیاتلارین کریپتووالیوتالار واسطه‌سیله حیاتا کئچیریلدیی بیلدیریلیر.

Axar.az خبر وئریر کی، بو حاقدا جنوبی کره‌نین "چهوسون" قزئتی معلومات یاییب.

قزئتین یازدیغینا گؤره، فدرال تهلکه‌سیزلیک بروسو (ب‌ت‌ب) طرفیندن آختاریلان شمالی کره وطنداشی سیم هیون-سوپ بو شبکه‌ده اساس فیگورلاردان بیریدیر. ترم لابس-ین آراشدیرماسینا اساساً، ۲۰۲۵-جی ایلین فورالیندا اونون نظارتینده اولان کریپتووالیوتا جوزدانیندان سپاه ایله علاقه‌لی عنوانلارا ان آزی ۶۷ مین دوللار کؤچورولوب.

معلوماتا گؤره، ایران بو یوللا سانکسییالاردان یاییناراق وسایتلری دوللارا چئویرمک و حتی نفت تجارتینده استفاده ائتمک امکانی قازانیب.

حسابات‌دا قید اولونور کی، سیم هیون-سوپ اوزون مدت کویت و بیرلشمیش عرب امیرلیکلرینده فعالیت گؤستریب، "سیم علی" و "سیم حاجیم" آدلاری ایله چیخیش ائدیب و شمالی کره‌نین خارجی تجارت بانکی ایله علاقه‌لی اولوب.