اؤتن گون آمریکا اردوسونون کاراکاسا هوا ضربه‌لری ائندیرمه‌سی ایله باشلایان عملیات اوغورلا باشا چاتیب، قیسا مدت عرضینده ونزوئلا پرزیدنتی نیکولاس مادورو و حیات یولداشی اقامتگاهلارین‌دا اله کئچیریلیب و درحال دا اؤلکه‌دن چیخاریلیب.

Axar.az خبر وئریر کی، جمعی ۳ ساعتا یاخین داوام ائد‌ن عملیات زمانی هئچ بیر ایتکینین اولماماسی دا خصوصیله وورغولانیر. بیر نئچه آی عرضینده حاضرلانان و «دلتا» گروپونون گئجه ایله حیاتا کئچیریله‌ن بو مکمل عملیات اونو اجرا ائد‌نلری بیر داها گوندمه گتیریب.

باهالی، گیزلی و غیر عادی «دلتا»...

۱-جی خصوصی قوه‌لرین عملیات کومانداسی - دلتا، گئنیش یاییلمیش آدلاری ایله «دلتا»، «دلتا فورس» و یا مبارزه تطبیقلری گروپو (کمبات آپلیکیشن گروپ - سی.ای.جی).

ائلیت خصوصی عملیات قوه‌لری (اسپشال اپریشنز فورس/س.و.ف) و مشترک خصوصی عملیاتلار کومان‌دان‌لیغی تشکیلاتینی تماملایان «دلتا» گروپونون یارادیلماسی باره‌ده قرار ۲۱ نویابر ۱۹۷۷-جی ایلده وئریلیب، ایلک بؤلمه‌لر ایسه ۱۹۷۸-جی ایلده فورمالاشیب.

آنتی‌ترور و خصوصی میسیالار دسته‌سی‌دیر. «دلتا» خصوصی اولاراق حاضیرلانمیش و دقتله سئچیلمیش ان یاخشی عسگرلردن عبارت‌دیر. «دلتا»نین اساس وظیفه‌سی ترورلا و عصیان علیه‌اینه مبارزه اولسا دا، مخفی تاپشیریقلاری یئرینه یئتیرن سون درجه چئویک بیر تشکیلاتدیر. بو گیزلی تاپشیریقلارا گیروولاری خلاص ائتمک، باسقین و گیزلی دشمن قوه‌لرینی آرادان گؤتورمک داخل‌دیر.

ایلک عملیاتلاری ایران‌دا گیروو ساخلانیلان دیپلماتلاری خلاص ائتمک اولوب («قارتالین پنجه‌سی» عملیاتی). بو عملیات‌داکی چاتیشمازلیقلار اساسین‌دا هوا دستیی اوچون ۱۶۰-جی خصوصی عملیات آویاسییا آلایی یارادیلیب.

بعضی معلوماتلارا گؤره، بو گروپون ایللیک بودجه‌سی ۲ میلیارد دلارا یاخیندیر.

ان مشهور عملیاتلاری: پابلو اسکوبارین ضررسیزلشدیریلمه‌سی (۱۹۹۳)، صدام حسینین اله کئچیریلمه‌سی (۲۰۰۳-جو ایل، «قیرمیزی شفق» عملیاتی)، ایشید لیدری ابو بکر البغدادینین محوی (۲۰۱۹)، نارکوتاجر ائل چاپونون یاخالانماسی (۲۰۱۶) و س.