آمریکا پرزیدنتی دونالد ترامپین روسیایا و ولادیمیر پوتینه آچیق سیمپاتییاسینا باخمایاراق، اونون نفتین قیمتینین آشاغی سالینماسی ایله باغلی ایدئیاسی کرملینین زیانینادیر.

Axar.az خبر وئریر کی، بو باره‌ده "تایمز" معلومات یاییب.

"کرملینین اوکراینایا قارشی محاربه‌سینی مالیه‌لشدیرمک امکانی نفت و گاز گلیرلریندن آسیلی‌دیر. سون واختلار بو گلیرلر تکجه سانکسییالارا گؤره دئییل، هم ده گلوبال کاربوهیدروگئن قیمتلرینین عمومی اوجوزلاشماسینا گؤره آزالیر. دونالد ترامپ محض بونا چالیشیر. سبب اودور کی، ترامپین اؤلکه‌داخلی پوپولیارلیغینا ان بؤیوک تهلوکه یاشاییش قیمتلرینین آرتماسیدیر. گاز قیمتلرینین آشاغی سالینماسی آغ ائو اوچون بو سیاسی پروبلمین مثبت حلی‌دیر. آمریکا پرزیدنتینین ونزوئلا «ماجراسی» گلوبال نفت قیمتلرینی آشاغی سالماق سعیلرینین بیر حیصه‌سی‌دیر. کئچه‌ن هفته ترامپ آمریکا و آوروپانین بؤیوک نفت شیرکتلرینین رهبرلری ایله گؤروش کئچیره‌رک، اونلارین ونزوئلادا نفت حاصیلاتینین گئنیشلندیریلمه‌سینه اون میلیاردلارلا دلار سرمایه قویماغا نایل اولوب. بوتون بونلار آرتیق محاربه‌دن، پول-کردیت و بودجه سیاستینده‌کی تحریفلردن "شیکست اولموش روسیا اقتصادیاتی" اوچون چوخ ضررلی‌دیر"،- معلومات‌دا دئییلیب.