روسیا پرزیدنتی ولادیمیر پوتینله ایرانلی همکاری مسعود پزشکیان آراسین‌دا تلفن دانیشیغی باش توتوب.

Axar.az خبر وئریر کی، بو باره‌ده ایران مدیاسی معلومات یاییب.

صحبت زمانی پزشکیان آمریکا و اسرائیلین تؤرتدیی جنایتلرین بین‌الخالق عالم‌ده قینانماسینی قاباردیب. پوتین ایسه محاربه‌نین سونا چاتماسی مقصدیله هر جور یاردیما حاضر اولدوغونو اعلان ائدیب.

ایران و روسیا پرزیدنتلری تلفن دانیشیغین‌دا ایکی‌طرفلی امکداشلیغین ان مهم مسئله‌لری، ائلجه ده هجوملاردان سونراکی رگیونال پروسسلر اطرافین‌دا فکر مبادله‌سی آپاریبلار.

روسیا پرزیدنتی اؤلکه‌سینین ایرانا قارشی حربی تجاوزه قارشی اولدوغونو بیر داها خاطیرلاتماقلا یاناشی، لازمی یاردیملاری گؤندرمه‌یه، هابئله رگیون‌دا مناقشه‌لرین ان قیسا زمان‌دا باشا چاتماسی اوچون هر جور دسته‌یه حاضر اولدوغونو اعلان ائدیب.

پزشکیان روسیانین موقعیینی یوکسک قیمتلندیریب.

طرفلر همچنین عالی سوییه‌لرده مصلحتلشمه‌لرین داوام ائتدیریلمه‌سینین ضروریلیینی وورغولاییبلار.

قید ائدک کی، بو، آمریکا و اسرائیلین ایرانا قارشی محاربه‌یه باشلاماسیندان (۲۸ فورال) بری پوتین و پزشکیان آراسین‌دا ایکینجی تلفن دانیشیغیدیر.