آمریکا پرزیدنتی دونالد ترامپ فرانسالی همکاری اممانوئل ماکرونو فرانسادان ادخال ائدیلن شراب و شامپانلارا ۲۰۰%-لیک روسوم تطبیق ائتمکله هده‌له‌ییب.

Axar.az خبر وئریر کی، بو باره‌ده "بلومبرگ" آگئنت‌لییی معلومات یاییب.

آمریکا پرزیدنتی بو بیاناتی ژورنالیستلر اونا ماکرونون غزه اوزره صلح شوراسینا قوشولماق تکلیفینی رد ائده بیلجه‌یینی سؤیلدیک‌دن سونرا وئریب.

"اونسوز دا او، هئچ کیمه لازیم دئییل، چونکی تئزلیکله وظیفه‌سینی ترک ائد‌جک. من اونون شراب و شامپانلارینا ۲۰۰ %-لیک روسوم تطبیق ائد‌جه‌یه‌م و او قوشولاجاق"، - ترامپ بیلدیریب.

ماکرونون ایکینجی پرزیدنت‌لیک مدتی گلن ایل باشا چاتمالی‌دیر. فرانسا پرزیدنتی نوبتی سئچکیلرده اشتراک ائتمیجه‌یینی قید ائدیب. ترامپ صلح شوراسینین یارادیلماسی باره‌ده یانوارین ۱۶-دا اعلان ائدیب. ائله همین گون او، شورانین اجراییه کومیته‌سینی تقدیم ائدیب. کومیته‌یه آمریکا دولت کاتیبی مارکو روبیو، خصوصی ائلچی ایستیو ویتکوفف، پرزیدنتین کورکه‌نی جارئد کوشنر و بؤیوک بریتانییانین سابق باش ناظری تونی بلیر داخیلدیر.