پاکیستان ایله آذربایجانی درین کؤکلری اولان قارداشلیق، قطعیتلی قارشیلیقلی دستک تئللری باغلاییر، خالقلاریمیزی چالیشدیقلاری گلوبال صلح، رفاه و دایانیقلی انکشاف دیرلری بیرلشدیریر.

Axar.az خبر وئریر کی، بونو پاکیستانین باش ناظیری محمد شهباز شریف "زاید انسان قارداشلیغی مکافاتی"نین لاورئاتلارینا تبریک ویدئومراجعتینده دئییب.

او، پرزیدنت ایلهام علیئوین مدریک و دوشونولموش رهبرلیی ایله آذربایجانین الده ائتدیی یوکسک نائلیتلرین‌دن فخر حسی دویدوغونو بیلدیریب:

"ایلهام علیئو قافقازدا و اونون حدودلاریندان کناردا صلح و ثابتلیین قطعیتلی جارچیسی کیمی تانینیر. پاکیستان همین سازشی نه‌اینکی آذربایجان و ارمنیستان، او جمله‌دن بوتؤو رگیون اوچون یئنی امین-آمانلیق و دایانیقلی صلح دؤورونون باشلانغیجی کیمی آلقیشلادی. من عزیز قارداشیم، پرزیدنت ایلهام علیئوی بو نفوذلو مکافاتی آلماسی مناسبتیله بیر داها تبریک ائدیرم. امیدوارام و دعا ائدیرم کی، اوزاق‌گؤرن رهبرینین سعیلری ایله قارداش آذربایجان خالقی اوزون‌مدتلی صلحه، امین-آمانلیغا و ترقییه دوغرو آددیملارینی داوام ائتدیرسین".