سون اون‌ایللیکلرده بوتون علاقه‌لریمیز پوزولور.

Axar.az خبر وئریر کی، بو سؤزلری یاخین شرق اینستیتوتونون پرزیدنتی یئوگنی ساتانووسکی یئرلی مدیایا مصاحبه‌سینده دئییب.

«ایندی ونزوئلا ایله علاقه‌لریمیز نئجه‌دیر؟ سوریاداکی موقعییمیز نئجه‌دیر؟ هئچ بیر شی یوخ‌دور. روسیادا قاداغان اولونموش بیر تشکیلاتین کئچمیش لیدری ایندی ولادیمیر پوتینله دانیشماق اوچون مسکوایا اوچور (سوریا پرزیدنتی احمد شارانین مسکوایا سفرینی نظرده توتور - رئد.).

افغانیستان‌دا موقعییمیز نئجه‌دیر؟ بو رژیمی نیه گؤره‌سه تانیماغیمیز، طالبانی نیه گؤره‌سه ترورچو سیاهی‌سیندان چیخارماغیمیز اونلارین آرتیق بئله اولمادیغی دئمک دئییل. مثلاً، اونلار افغانیستان‌دا یئنیجه کؤله‌لیی - قول استاتوسونو تطبیق ائتدیلر. من حتی اونلارین قادینلارا قارشی قانونلاردان دانیشمیرام.

علاقه‌لریمیز و مؤقعلریمیز حاقین‌دا دانیشارکه‌ن، یومشاق دئسک، اؤزوموزو آلدادیریق، چونکی اونلاری قورویوب ساخلایا بیلمیریک. حتی اورتا آسیادا و قافقازدا دا اؤز موقعییمیزی قورویا بیلمه‌میشیک؛ قازاخیستان‌داکی موقعییمیز ویرتوال رئاللیق‌دیر.

روسیا اؤز موقعیینی قورماق اوچون ۳۵۰ ایل صرف ائتدی و ایندی همین ۳۵۰ ایللیک تاریخ زیبیل قوتوسونا آتیلیب. و بیز تهران اوچون ناراحات اولاجاغیق... نیه ناراحات اولمالییق؟»، - دئیه ساتانووسکی قید ائدیب.