آمریکا و ایران آراسین‌دا آنلاشما مموراندومونون امضالانماسی باره‌ده راضیلیغا گلینمه‌سی یاخین شرق رگیونون‌دا گرگین‌لیگی اهمیت‌لی درجه‌ده آزال‌دا بیلر. بوتون دنیانین بو راضیلاشمانی آلقیشلاماسی دا بونون گؤستریجی‌سی‌دیر.

Axar.az خبر وئریر کی، بو سؤزلری ملت وکیلی سامیر ولیئو دئییب.

ملت وکیلی بیلدیریب کی، آذربایجانین خاریجی ایشلر ناظرلییی ده بیانات یایاراق بو راضیلاشمانی دستکله‌ییب:

«نظره آلاق کی، ایران آذربایجانین یاخین قونشوسودور و بو اؤلکه‌ده میلیونلارلا سویداشیمیز یاشاییر. رگیون‌دا گرگینلیک ایستر ایستمز اطراف بؤلگه‌لره ده تأثیر ائدیر. اما ایرانلا باغلی بحران بوتؤولوک‌ده دونیا اقتصادیاتینا جدی تأثیر گؤستریردی. چونکی هؤرموز بوغازینین باغلی قالماسی دونیا تیجارتینه منفی تأثیر ائدیردی.

طرفلر آراسین‌دا الده ائدیلمیش راضیلاشما ایسه ایران زنگینلشدیریلمیش اوران احتیاطلاری، هرمز بوغازینین آچیلماسی و دیگر پروبلملری اؤزونده عکس ائتدیریر.

یئکون دانیشیقلار ایرانین دوندورولموش وسایتلرینین یاریسینین آزاد ائدیلمه‌سین‌دن، ایران نفتینه تطبیق ائدیلن سانکسیالارین دایاندیریلماسیندان و دنیز بلوکاداسینین آرادان قالدیریلماسیندان اول باشلامایاجاق. یکون راضیلاشما یالنیز زنگینلشدیریلمیش ماتریاللارین تالعی، زنگینلشدیرمه، سانکسیالارین لغوی و ایران اقتصادیاتینین برپاسی پروگرامی ایله باغلی اولاجاق. ایرانین راکت پروگرامی و مقاومت گروپلارینا دستک مسئله‌سی ایسه تام شکیل‌ده گونده‌لیکدن چیخاریلیب.

بو راضیلاشما آمئریکا ایله ایران آراسین‌دا واسطه‌چی‌لیک ائد‌ن دوست پاکستانین سعیلری طرفلرین مؤقعلرینی یاخینلاشدیردی و بئله بیر راضیلاشما الده اولون‌دو. پاکستان هله آپرل آیین‌دا طرفلر آراسیندا گؤروشه ائو صاحب‌لییی ائتمیشدی. همین گؤروش نتیجه‌سیز باشا چاتسا دا، اسلام آباد گئری چکیلمه‌دی، واسطه‌چیلیینی داوام ائتدیردی. اونا گؤره ده، آذربایجانلا تورکیه قارداش پاکستانین سعیلرینی یوکسک قیمتلندیریر».

ملت وکیلینین سؤزلرینه گؤره، آذربایجان دنیادا، او جمله‌دن یاخین رگیونوموزدا صلح و ثابیتلیین طرفداریدیر:

«اؤلکه‌میز هر زمان بو موقعینی نمایش ائتدیریب. تصادفی دئییل کی، آذربایجان بیر سیرا قارشی دوران طرفلر آراسین‌دا واسطه‌چی‌لیک ائدیب، ائلجه ده اونلارین گؤروشلرینه ائو صاحیب‌لییی ائدیب. بونا نمونه اولاراق، آمریکا - روسیا، ناتو - روسیا، اسرائیل - سوریا نماینده‌لری آراسیندا کئچیریلن گؤروشلری گؤسترمک اولار.

"بو باخیم‌دان، آمریکا -ایران گرگین‌لییی ایله علاقه‌دار رسمی باکی‌نین موقعی تمامیله دوغرودور. مؤقع اوندان عبارت‌دیر کی، بوتون پروبلملر دیپلماتیک یوللارلا حل ائدیلمه‌لی‌دیر. مناقشه‌نین آلوولانماسی تکجه طرفلر اوچون دئییل، بوتون دنیا اوچون یئنی فلاکتلر گتیره بیلردی. اونا گؤره ده، الده ائدیلن راضیلاشما بؤیوک اؤنم کسب ائدیر. امید ائدیریک کی، طرفلر بو راضیلاشمالارا صادق قالاراق صلح پروسسینی داها دا ایر‌لی آپاراجاقلار".