روسیا و آمریکا استراتژی هجوم سلاحلارینین محدودلاشدیریلماسی حاقین‌دا مقاوله‌نین (استارت) مدتینین اوزادیلماسی ایله باغلی راضیلیغا گله بیلمه‌دیلر. بئله‌لیکله، یئنی نووه سلاحلانما یاریشینا استارت وئریلدی. بو، عمومی‌لیکده دنیا اوچون پیس خبر اولسا دا، قیسا و اورتا مدتلی پرسپکتیوده اوکراینا اوچون معین اوستونلوکلر یارادا بیلر.

Axar.az خبر وئریر کی، ب باره‌ده حربی-آنالیتیک «دفنس اکسپرس» پورتالی یازیب.

نشر قید ائدیر کی، حاضردا روسیا و آمریکا هر بیری تخمیناً ۷۰۰ عدد نووه سلاحی داشییجی‌سینی — قیطه‌لرآراسی بالستیک راکتلری و استراتژی آویاسیا طیاره‌لرینی دؤیوش حاضرلیغی وضعیتینده ساخلاییر، همچنین استفاده‌یه حاضر دؤیوش باشلیقلارینین سایی بونون تخمیناً ایکی قاتیدیر. بو جور آرسنالین ساخلانیلماسی ایسه اولدوقجا بؤیوک مالیه وسایتی طلب ائدیر.

دفنس اکسپرس آمریکا کنگرسینین بودجه اداره‌سینین ۲۰۲۵-جی ایلین آپرلینده وئردیی قیمتلندیرمه‌لره استناد ائدیب. همین قیمتلندیرمه‌لره گؤره، پنتاگون استراتژی قوه‌لرین دؤیوش حاضیرلیغینین ساخلانیلماسی اوچون ایلده تخمیناً ۹۵ میلیارد دلار خرجلییر کی، بو دا عمومی مدافعه بودجه‌سینین تخمیناً ۱۰ فایزینه برابردیر.

روسیانین نووه سلاحلارینا خرجلدیی وسایتلر مخفی ساخلانیلیر و روسیا حربی-صنایع کمپلکسینده استحصالین داها اوجوز اولماسی نظره آلینماقلا، بو خرجلرین آمریکا-داکیندان بیر نئچه دفعه آز اولدوغو احتیمال ائدیلیر. لاکن آنالیتیکلرین فکرینجه، نووه سلاحلارینین روسیانین عمومی مدافعه خرجلرینده‌کی پایی، یقین کی، آمریکا-دا اولدوغو کیمی اوخشار سوییه‌ده‌دیر.

«اگر آرتیق «مکدودلاشدیریجی مخانیزم» یوخدورسا، نووه آرسنالینین آرتماسی تمامیله گؤزله‌نیله‌ن نتیجه‌دیر و بو، داها بؤیوک خرجلره گتیریب چیخاراجاق. کرملین نووه سلاحلارینا داها چوخ وسایت آییرماغا مجبور قالاجاق: داها چوخ دؤیوش باشلیغی استحصال ائتمه‌لی، داها چوخ قیطه‌لرآراسی و اورتا منزللی بالستیک راکتلر بوراخمالی، آتوم سوالتی راکت داشییجیلارینی سویا ائندیرمه‌لی، همچنین «بوروستنیک» و یا «پوسیدون» کیمی یئنی آنالوقسوز لاییحه‌لرین حاضرلانماسینا اینوستیسییا قویمالی‌دیر»، – دئیه اکسپرتلر وورغولاییبلار.