اوکرایناداکی محاربه بیترسه، روسیادان ناتو-نون شرق جناهینا تهدید داها دا گوجلنه بیلر.

Axar.az خبر وئریر کی، بو سؤزلری آلمان دیپلمات، مونهن تهلوکه‌سیزلیک کنفرانسینین رهبری ولفگانگ اشینگر دئییب.

ایشینگر علاوه ائدیب کی، روسلار حاضردا هفته‌ده مینلرله عسگر ایتیردیکلری اوکراینایا قارشی دؤیوشمه‌یه دقت یئتیریرلر:

«اوکراینادا آتشکس الده ائدیلدیکدن سونرا وضعیت دییشه‌جک. بو حال‌دا ولادیمیر پوتین صلح دؤورونده یئنی‌دن سلاحلانمایا داوام ائده بیله‌جک و شرق جناهین‌دا ناتو اؤلکه‌لرینه تهلوکه آرتاجاق".
او بیلدیریب کی، اوکراینادا آتشکس آلمانیا اوچون ده داها بؤیوک تهلوکه یاراداجاق.

اشینگر حساب ائدیر کی، گله‌جک آتشکس روسیانین غربینده‌کی حربی موجودلوغونون اهمیتلی درجه‌ده آزالدیلماسی ایله مشایعت اولونمالی‌دیر، لاکن مسکوانین بونونلا راضیلاشماسی احتمالی آزدیر.