سوریانین دئوریلمیش پرزیدنتی بشار اسد رژیمی سقوط ائتدیکجه، رئاللیق‌دان اوزاقلاشاراق ویدئو اویونلارن‌دان آسیلی اولوب.

Axar.az خبر وئریر کی، بو باره‌ده «آتلانتیک» ژورنالی معلومات یاییب.

«سارایین داخلینده‌کیلر دئییرلر کی، او، دفعه‌لرله رگیونال و غرب گوجلرینین اونون حاکمیتینی قورویوب ساخلایا بیله‌جک دیپلماتیک دستکلری رد ائدیب. بوتون گون سارایدا اوتوروب «کندی کروس» («شکر ازمه‌سی») و دیگر ویدئو اویونلار اویناییر.

حتی سون گونلرده بئله، خارجی ایشلر ناظیرلری اونا سؤودلشمه‌لر تکلیف ائتمک اوچون زنگ ائدیب و او، تلفنلارا جواب وئرمه‌ییب. اسد گذشته گئتمک و یا گوجونون هر هانسی بیر محدودیتینی قبول ائتمک ایسته‌مه‌ییب.

اسدین آخماقلیغینین ان یادداقالان نمونه‌سی، بلکه ده، ایلک ترامپ آدمینیستراسییاسی دؤورونده باش وئریب. ۲۰۲۰-جی ایلده واشینگتن ۲۰۱۲-جی ایلده سوریادا یوخا چیخان و اسد رژیمینین الینده اولدوغو دوشونوله‌ن آمریکالی ژورنالیست اوستین تایسی تاپماق اوچون ایکی مأمورو - راجر کارستنس و کاش پاتلی لیوانا گؤندریب. او واخت لیوانین باش تهلوکه‌سیزلیک شعبه‌سینین رهبری اولان عباس ابراهیم ایکی نفری دمشقه گتیریب و اونلار اسدین یوکسک سوییه‌لی تهلوکه‌سیزلیک مأمورلاریندان بیری اولان علی مملوکله گؤروشوبلر.

کارستنس دئییر کی، آمریکالیلار تایسین موضوع‌سونو قالدیردیلار و مملوک جواب وئردی کی، هر هانسی بیر طلبی مذاکره ائتمزدن اول آمریکا سانکسییالاری قالدیرمالی و قوشونلارینی سوریادان چیخارمالی‌دیر.

آمریکا حکومتی تایسین ساغ اولدوغونا دایر ثبوت مقابلینده بو شرطلرله راضیلاشیب. اسد ایسه هامینی تعجلندیره‌رک بیلدیریب کی، هئچ بیر راضیلاشما و دانیشیقلار اولمایاجاق. سبب اولاراق ایسه، ترامپین اونو اوللر حیوان کیمی تصویر ائتمه‌سینی گؤستریب»، - نشر یازیر.