ویتنام روسیا اوچون آسیادا ان بؤیوک سلاح بازارلاریندان بیریدیر. اؤلکه‌نین دؤیوش طیاره‌لری یالنیز سووت-روسیا طیاره‌لریندن، او جمله‌دن سو-۲۲، سو-۲۷، سو-۳۰ و یاک-۱۳۰-دان عبارتدیر.

Axar.az خبر وئریر کی، بو باره‌ده "دفنس اکسپرس" معلومات یاییب.

"هله ۲۰۲۲-جی ایلده ویتنام روسیادان آسیلی‌لیقدان چیخماق اوچون سلاح آلیشینی دیورسیفیکاسیا ائتمک نیتینده اولدوغونو آچیقلامیشدی. ایندی هانوی و فرانسانین گله‌جک "داساولت رافال" دؤیوش طیاره‌لرینین آلینماسی ایله باغلی دانیشیقلاردا ایرلیلییش الده ائتدیی باره‌ده معلوماتلار اورتایا چیخیب. روسیا سلاحلارینین آلینماسیندان امتنا ایله باغلی وضعیت دیگر ساحه‌لره ده تأثیر ائد‌جک.

مثلاً، ویتنام علاوه ت-۹۰س تانکلاری سیفارش ائتمک عوضینه اسرائیلین کمکی ایله کهنه ت-۵۴ و ت-۵۵ تانکلارینی مدرنلشدیرمه‌یه قرار وئردی. بون‌دان علاوه، ۲۰۱۶-جی ایلده آمریکا ویتناما سلاح ساتیشینا قویولموش امبارقونو لغو ائدیب.

او واختدان بری ویتنام‌لیلار آمریکالیلاردان ساحل محافظه گمیلری و تعلیم طیاره‌لری ده داخیل اولماقلا تخمیناً ۴۰۰ میلیون دلار دیرینده سلاح سفارش ائدیبلر"،- معلومات‌دا دئییلیب.