اؤتن گئجه اوکراینا اوردوسو روسیا سلاحلی قوه‌لرینین راکت و آرتیلریا باش اداره‌سینین ولگاگراد ویلایتینین کوتلوبان کندی یاخینلیغیندا یئرلشن آرسنالینا ضربه‌لر ائندیریب.

Axar.az خبر وئریر کی، بو باره‌ده روسیا مطبوعاتی معلومات یاییب.

ولگاگراد ویلایتینین قوبرناتورو آندری بوچاروو بیلدیریب کی، ملکی اهالینین تهلوکسیزلیینی تعمین ائتمک مقصدیله کوتلوبان کندینین ساکینلری تخلیه اولونور:

«کوتلوبان کندی یاخینلیغینداکی مدافعه ناظرلیینین اوبیکتینین اراضی‌سینده دوشن مرمیلر نتیجه‌سینده یانغین باش وئریب. رگیونال یانغین سؤندورمه خدمتلری و مدافعه ناظرلییی یانغینین سؤندورولمه‌سی اوچون چالیشیر».

یئرلی ساکینلر ده حربی اوبیکتین یانیندا پارتلاییش و گوجلو یانغینلارین قیده آلیندیغی باره‌ده معلوماتلار یاییبلار.