آمریکا پرزیدنتی دونالد ترامپ ایران مسئله‌سی ایله جدی ماراق‌لانیر، لاکین بونو جنوبی قفقازلا علاقه‌لندیرمیر.

Axar.az خبر وئریر کی، بو باره‌ده آمریکانین اوکراینا و اؤزبکستان‌داکی کئچمیش سفیری جون هربست دئییب.

هربست بیلدیریب کی، ترامپ جنوبی قفقازدا ایروان و باکی آراسیندا صلحون برقرار اولماسی و آمریکانین رگیون‌دا کومرسییا ماراقلارینین ایر‌لیله‌مه‌سی اوچون پروسسلره باشلاییب.

هربست همچینین قید ائدیب کی، ایران ترامپ آدمینیستراسییاسینین اساس پریوریتتلریندن بیریدیر.

"ایرانین ارمنستانلا دوستلوق علاقه‌لری و آذربایجانلا یاخشی مناسبتلری، ائلجه ده بو اؤلکه‌لرله اورتاق سرحدلری وار. لاکین بو المنت ترامپین جنوبی قفقاز سیاستینده اساس رول اوینامیر. عینی زمان‌دا من عمومیتله رول اوینامادیغینی دئمیرم. ترامپ ایران سیاستی پریزماسیندان ارمنستان و آذربایجانا جدی دقت یئتیرمیر.

او، یقین کی، ایرانا تضییقی آرتیرماغی و بلکه ده ارمنستان و آذربایجانین بونا نئجه کمک ائده بیلجیینی دوشونور، اما بو اونون تهران سیاستینین اؤن پلانین‌دا دئییل.

اگر ارمنستان و آذربایجان نهایت صلح راضیلاشماسینا نایل اولسایدیلار و ایروان آنکارا ایله مناسبتلرینی یاخشیلاشدیرسایدی، ایران و ارمنستان آراسیندا سیخ امکداشلیغین سببلری یوخ اولاردی"، - دئیه اکسپرت علاوه ائدیب.