آمریکانین ب‌ام‌ت-ده‌کی سفیری مایک والتز، نوبل صلح مکافاتی لاورئاتی نرگس محمدی‌نین خسته‌لییی ایله باغلی ناراحات‌لیغینی بیلدیریب و اونون درحال آزادلیغا بوراخیلماسینی طلب ائدیب.

Axar.az خبر وئریر کی، او، حقوق مدافعه‌چی‌سینین قادینلارین حقوقلارینی مدافعه ائتدیینه گؤره اوزون ایللر حبسده ساخلانیلدیغینی بیلدیریب.

"حاضردا اونون فیزیکی وضعیتی داهادا پیسله‌شیب و تهران اونون احتیاج دویدوغو لازیمی طبی یاردیمی الده ائتمه‌سینه مانع اولور. اونون معالجه‌سینه امکان وئرین و درحال سربست بوراخین"،- مایک والتز علاوه ائدیب.

قید ائدک کی، نرگس محمدی اؤتن ایل دکابرین ۱۲-ده اوفیسینده اؤلو تاپیلان وکیل خسرو علی‌کوردینین خاطره‌سینه مشهدده تشکیل ائدیلن مراسیم‌ده بیر نئچه دیگر فعاللا بیرلیک‌ده حبس ائدیلیب.