ارمنستان‌دا سفرده اولان ماکرون قورو سرحددن تورکییه‌یه کئچمک ایسته‌سه ده، آنکارا باکی ایله دانیشیقلاردان سونرا بونا اجازه وئرمه‌ییب. معلوماتا گؤره، سفر اولجه تورکییه‌نین آیری-آیری نماینده‌لری ایله راضیلاشدیریلیب، لاکین مسئله اردوغانین ماساسینا گلدیکده او، آذربایجانلا مذاکره‌لردن سونرا ماکرونون قورو سرحدینی کئچمه‌سینه راضی اولماییب.

ماکرونون سرحدی کئچمک ایستیینین آرخاسیندا هم ایروانین، هم پاریسین سیاسی هدفلری وار.

ایروان تورکییه ایله سرحدین آچیلماسین‌دا آذربایجانین رولونون آرخا پلانا کئچمه‌سینه چالیشیر. پاشینیان دا داخل اولماقلا، ارمنستان رسمیلری دفعه‌لرله آنکارا-ایروان خطین‌ده‌کی نورماللاشما پروسسین‌ده «اوچونجو طرفین» (صحبت باکی‌دان گئدیر) اشتراکینا قارشی چیخیب، سرحدین آچیلماسینا ایکی‌طرفلی مناسبتلر کونتکستین‌ده نائل اولماغا چالیشیبلار. لاکن آنکارا باکینین ماراقلاری فونوندا بوندان امتنا ائدیب، حتی تورکییه و ارمنستانین «اوچونجو شخصلرین سرحددن کئچیدی» ایله باغلی راضیلاشماسی دا پراکتیکی اولاراق ایشلمیر. بو کونتکستده ماکرونون سرحدی کئچمک ایستیی دوشونولموش پلان ایدی.

- ارمنستان بونونلا «اوچونجو شخصلرین سرحددن کئچیدی» راضیلاشماسین‌دا،

- باکی-آنکارا خطین‌ده معین ناراضی‌لیق یاراتماق و آذربایجانی تورکییه-ارمنستان دانیشیقلاریندان کنارلاشدیرماق‌دا،

- تورکییه ایله سرحدین آچیلماسی پروسسین‌ده باکینین شرطلرینین یئرینه یئتیریلمه‌سی پریوریتتینی دییشدیرمکده پراکتیکی نتیجه الده ائده بیلردی؛

- و سرحدی فرانسا پرزیدنتینین کئچمه‌سی ایروان اوچون اساس‌لی پرسدنت یاراداجاق‌دی؛

پاریس تورکییه ایله قورو سرحدینی آدلاماقلا تکجه ارمنستانین اؤنونو آچمیر، همچینین، آنکارا-ایروان دانیشیقلارین‌دا تاثیرائدیجی اویون‌چو سویه‌سینه یوکسه‌له بیلردی. بو، فرانسانین آذربایجان-ارمنستان دانیشیقلارینا تأثیر ایمکانلارینی، عمومی‌لیک‌ده جنوبی قفقازداکی رولونو گوجلندیره بیله‌جک عامل ایدی. ماکرون ارمنستان‌دان قورو یوللا تورکییه‌یه گئتمکله جنوبی قافقازین یئنی‌دن قورولان سیاسی مناسبتلر آرخیتکتوراسین‌دا «تأمینات‌چی»یا چئوریلمک ایستییردی، لاکین اردوغانلا علی‌یئو بونا امکان وئرمه‌دی.