آغیر ایتکیلره باخمایاراق، ارمنی خالقی آیاغا قالخا و ایر‌لیله‌مه‌یه داوام ائده بیلر.

Axar.az خبر وئریر کی، بونو «ارمنستان» پارلامنت فراکسییاسینین لیدری و کئچمیش مدافعه ناظری سیران اوهانیان دئییب.

اوهانیان ایکینجی دنیا محاربه‌سینین بیتمه‌سینین ایلدؤنومو ایله باغلی تدبیرده چیخیش ائدرکن آذربایجانی محاربه ایله هده‌له‌ییب.

«۱۹۹۲-جی ایلده معاصرلریمیز ایکینجی دنیا محاربه‌سین‌ده‌کی غلبه‌نی اوچ‌قات بایراما چئویردیلر، لاکین حاضرکی سرریشته‌سیز ارمنستان حاکمیتینین الی ایله بو غلبه یئنی‌دن تک بیر خاطره تاریخینه ائندیریلدی. دوشمن ارمنستان سرحدلرینه چاتدی، اما دؤیوش قاباقدادیر، چونکی ارمنی خالقی دؤیوش روحونو قورویوب ساخلادیغینی و آیاغا قالخیب ایر‌لیله‌یه بیلجه‌یینی ثبوت ائتدی»، - دئیه اوهانیان بیلدیریب.

گؤرونن اودور کی، ارمنی رئوانشیستلر صلحون قارشی‌سینی آلماق اوچون هر جور تخریباتا حاضردیرلار. ارمنستان حاکمیتی حقیقتا ده صلح ایسته‌ییرسه، بئله‌لری ضررسزیلشدیریلمه‌لی‌دیر. یوخ، ارمنستان حاکمیتی بونو باجارمایاجاقسا، اوندا بو میسسییانی آذربایجان اؤز اوزرینه گؤتورمه‌لی اولاجاق.