روسیه جنوبی قافقاز اوزره ۳+۳ فورماتیندا تماسلارین داوام ائتدیریلمه‌سینده ماراقلی اولاراق قالیر و پلاتفورمانین تام فعالیتینین تئزلیکله برپا اولوناجاغینا اومید ائدیر.

Axar.az خبر وئریر کی، بو باره‌ده تاس-آ مصاحیبه‌سینده روسیه خارجی ایشلر ناظرلیینین مستقل دولتلر بیرلییی اؤلکه‌لری اوزره دؤردونجو دپارتامنتینین دیرکتورو میخایل کالوگین دئییب.

او قید ائدیب کی، آذربایجان، ارمنستان، گورجوستان، ائلجه ده روسیه، ایران و تورکییه‌نین داخیل اولدوغو ۳+۳ فورماتی رئگیونال مسئولیت پرینسیپی اساسیندا جنوبی قافقاز دولتلری ایله اونلارین یاخین قونشولاری آراسیندا امکداشلیغین قورولماسی اوچون مهم واسطه رولونو اویناییر. بونونلا یاناشی، کالوگین وورغولاییب کی، بیر سیرا اوبیکتیو سببلره، او جمله‌دن ایران اطرافینداکی وضعیته گؤره ۳+۳ فورماتیندا نوبتی نازظرلر گؤروشونون تشکیلینده معین فاصله یارانیب.

«اما تماسلارین داوام ائتدیریلمه‌سینه ماراق قالیر. پلاتفورمانین تام فعالیتینین تئزلیکله برپا اولوناجاغینا امید ائدیریک»، - ممستقل دولتلر بیرلییی اؤلکه‌لری اوزره دؤردونجو دپارتامنتین دیرکتورو سؤیله‌ییب.

دیپلومات قید ائدیب کی، رئگیونال مسئولیت پرینسیپی بوتون رئگیونال اشتیراک‌چیلارین ماراقلارینا جواب وئره‌ن قارشی‌لیقلی فایدالی و پرسپکتیولی لاییحه‌لرین راضیلاشدیریلماسی، قرارلارین کنار تضییق اولمادان و خارجی قوه‌لرین دیکته ائتدیی گونده‌لیک‌سیز قبول اولونماسی دئمک‌دیر: