آذربایجان ایله سربیا آراسیندا اقتصادی علاقه‌لر داها دا گئنیشله‌نمه‌لیدیر.

Axar.az خبر وئریر کی، بو باره‌ده سربیانین پرزیدنتی آلکساندر ووچیچ آذربایجانا سفری چرچیوه‌سینده اؤلکه‌میزده فعالیت گوسترن صاحبکارلارلا ایشگوزار گؤروشده چیخیشی زامانی دئییب.

«امید ائدیرم کی، سربیا و آذربایجان آراسیندا امکداشلیغیمیز اوچون یئنی ساحه‌لر تاپاجاغیق. چونکی اؤلکه‌لریمیز آراسیندا دوستلوغون سرحدی اولمادیغی کیمی، اقتصادی امکداشلیغیمیزین دا سرحدی اولمامالیدیر. حساب ائدیرم کی، تجارت دورییه‌میز بوگونکو سوییه‌دن بئش دفعه چوخ اولمالیدیر و دوشونورم کی، بیز بونا نایل اولا بیلریک»، - دئیه پرزیدنت قید ائدیب.

او بیلدیریب کی، سربیادا، خصوصیله اؤلکه‌نین شرق حصه‌سینده یئرلشه‌ن ایسپا و داغ کورورتلاری توخونولمامیش طبیعته مالکدیر:

«سربیا طرفی آذربایجان اینوستورلارینی اؤلکه‌یه جلب ائتمه‌یه چالیشیر و بونو قارشی‌لیقلی امکداشلیق کیمی قیمتلندیریر».

او علاوه ائدیب کی، سربیا اینوستورلاری دا باکی و آذربایجانین دیگر بؤلگه‌لرینه اینوستیسیا یاتیرماقدا ماراقلیدیرلار.

آلکساندار ووچیچ ایکی اؤلکه آراسیندا دوستلوق مناسبتلرینین انکشاف ائتدیینی وورغولایاراق بیلدیریب کی، اقتصادی امکداشلیغین گئنیشلندیریلمه‌سی اوچون بؤیوک امکانلار موجوددور.