دوبای شاهزاده‌سینین کئچمیش حیات یولداشی آذربایجان‌لی زینب جوادلی و اوچ اولادینین دوبای پلیسی طرفین‌دن ساخلانیلدیغی ادعا ائدیلیر.

Axar.az خبر وئریر کی، بو باره‌ده اونون بریتانیالی حقوق مدافعه‌چی‌سی دیوید هیق معلومات وئریب.

وکیلین سؤزلرینه گؤره، زینب جوادلی ایله سون علاقه ایونون ۲-ده باش توتوب. بوندان سونرا اونونلا بوتون رابطه کسیلیب و یاخینلاری دا اونونلا علاقه ساخلایا بیلمه‌ییبلر.

هیق ادعا ائدیب کی، دوبای پلیسی گئجه ساعتلاریندا اونون ائوینه باسقین ائد‌رک زینبی و اوچ آزیاش‌لی قیزینی آپاریب.

حقوق مدافعه‌چی‌سی بیلدیریب کی، زینب جوادلی ۲۰۱۹-جو ایلده دوبای رهبرینین قارداشی‌اوغلو شیخ سعید بن مکتوم بن رشید ال مکتوم ایله بوشاندیق‌دان سونرا مختلف تضییقلرله اوزلشیب.

قید اولونوب کی، بو ایلین آپرلین‌ده دوبای محکمه‌سی زینب جوادلینین اوچ قیزینین آتالارینا قایتاریلماسی باره‌ده قرار قبول ائدیب. محکمه سندلرینده قرارین اجراسی اوچون ضروری حاللاردا مجبوری تدبیرلرین تطبیق اولونا بیلجیی ده قید اولونوب.

زینب جوادلی ایسه داها اول اوشاقلارین حمایه‌سین‌ده قالماسینا امکان وئره‌ن حقوقی راضیلاشمانین موجود اولدوغونو بیلدیریب.

مسئله ایله باغلی دوبای پلیسی و شیخ سعید بین مکتومون نماینده‌لری هله‌لیک آچیقلاما وئرمه‌ییبلر.