تورکیه‌ده ایونون ۱۷-سی استانبول بؤیوکشهر بلدیه‌سینین مدنیت شرکتینین باش دیرکتور معاونی ارهان کاراال قاچیریلیب.

Axar.az خبر وئریر کی، او، بو گون توزلادا یئرلشه‌ن تیکینتی ساحه‌سینده، پرفابریک کونستروکسیالار زاوودوندا اللری باغلی شکلده تاپیلیب.

کاراالین استانبولون مالتپه بلدییه‌سینده ائوینین قارشی‌سیندان قاچیریلماسی ایله باغلی باشلادیلان استنطاق چرچیوه‌سینده ۸ نفر ساخلانیلیب.

ساخلانیلان شخصلردن بیری اوللر چالیشدیغی یئردن چیخاریلان شخص، ایکیسی ایسه اوللر استانبول بؤیوکشهر بلدیه‌سی ایله امکداشلیق ائد‌ن پودراتچی شرکتین ۲ امکداشی اولوب. همین شخصلرین یئرباتان سارنیجینین مدنیت ناظیرلیینه وئریلمه‌سیندن سونرا تندر آلا بیلمه‌دیی و یئنی تندرلرین وئریلمه‌سی اوچون ارهان کارااله تضییق ائتدیی معین اولونوب.

بوندان باشقا، ا.کاراالین قاچیریلماسینین تهلوکه‌سیزلیک کامراسی واسطه‌سیله چکیلمیش گؤرونتولری اورتایا چیخیب. گؤرونتولرده ۳ نفرین اونون قارشیسینی کسدیی، قوللاریندان توتوب زورلا آوتوموبیله میندیردیی گؤرونور.

سؤزوگئدن ویدئو تورکیه گوندمینی ضبط ائدیب.