آمریکا و اسپانیادان اولان عالملر درین اؤیره‌نمه آلگوریتملریندن استفاده ائد‌رک، شرقی آنتارکتیداداکی دیوید بوزلاغینین آلتیندا ۱۰۰–۱۵۰ کیلومتر درینلیکده ۵۱۰ زلزله آشکارلاییبلار. بو بؤلگه‌ده سیسمیک آکتیولیک دئمک اولار کی، غیر ممکن حساب ائدیلیردی، چونکی اراضی تکتونیک پلیته‌لرین سرحدلریندن اوزاق‌دا یئرلشیر.

Axar.az خبر وئریر کی، تدقیقاتین نتیجه‌لری «ساینس» ژورنالین‌دا درج اولونوب.

معلوماتلار ۴۹ سیسمیک استانسیادان توپلانیب. صونعی اینتلکت اساسلی آلگوریتم دالغالاری بیر-بیریندن فرقله‌ندیره‌رک زلزله اوجاقلارینین یئرینی دقیق معین ائتمه‌یه امکان وئریب. یئرالتی تکانلارین ماگنیتوداسی ۱،۶ ایله ۳،۵ آراسیندا اولوب.

تدقیقاتچیلار اعتراف ائدیرلر کی، اورتا درینلیکلرده باش وئرن پلیته‌داخلی زلزله‌لری ایضاح ائتمک خصوصیله چتیندیر، چونکی یوخاری مانتیادا یوکسک تمپراتور و تضییق شرایطی کؤورک داغینتیلارین یارانماسینا امکان وئرمیر.

بو حادثه‌نین اضاحی گئولوژی خصوصیتله باغلیدیر. بئله کی، شرقی آنتارکتیدانین قالین و سویوق پلیته‌سی ایله غربی آنتارکتیدانین نازیک و ایستی پلیته‌سی آراسینداکی سرحد گرگینلیین توپلانماسینا سبب اولور. آشاغیدان ایستی مانتیانین، یوخاریدان ایسه آغیر بوزلاغین یاراتدیغی تضییقله بیرلیکده بو عامل بؤیوک درینلیکلرده چاتلارین عمله گلمه‌سینه گتیریب چیخاریر.

معمالی قالان مسئله ۵۱۰ تکانین هامیسینین محض دیوید بوزلاغینین آلتیندا جمع‌لشمه‌سیدیر. بئله کی، اوخشار شرایط ترانس‌آنتارکتیکا داغلارینین دیگر حصه‌لری بویونجا دا موجوددور. مؤلفلر حساب ائدیرلر کی، بونا علاوه یئرلی عامللر ده تأثیر ائده بیلر.